Episode 67: Jane bidasubirwaho yemereye urukundo Eddy

Jane yari yambaye neza bitangaje k’uburyo namaze nk’umunota wose  nabuze icyo mvuga ahubwo ndimo mwitegereza gusa, mpita nihuta  ndamuhobera nitanguranwa vuba:

Njyewe-«Woooow  Jane ! Wambaye neza birenze!»

Jane-“Ooooh nibyo ? Merci sha, gusa wowe ho nako utagira ngo ndakwiganye!»

Njyewe-“Hhhhh, nagutanze rero urampemba!»

Jane-“Yego sha, gusa unsabire bimpire!»

Njyewe-” Humura!, Ndahari rwose kandi ndabizi biraguhira!»

Twahise dusohoka  turamanuka ariko abantu bose baturangariye cyane, turakomeza dusohoka aho twakoreraga amahugurwa mbona taxi voiture yari iraho hafi ndayihamagara mubwira ko atugeza kuri Hotel Eric yari yambwiye ko ariyo nziza muri Butare, dufata umuhanda.

Aho twari tugiye ntihari kure,  nyuma y’iminota mike twahise tugerayo, baratwakira batwicaza ahantu heza hatuje, umu serveur aza kutwakira abaza Jane icyo afata, Jane abanza kwanga byabindi by’abakobwa namwe muzi ariko  birangira atumye Fanta Orange nanjye ntuma ka Citron,ubwo dutangira kwiganirira!,

Njyewe-“Jane, aha hantu se urahabona ute?»

Jane-“Ooooh ,sha ni heza cyane  ahubwo se wahabwiwe n’iki Eddy?»

Njyewe-“Urabona nayoberwa ahantu heza habereye Jane nakunze?»

Jane-“Uuuuh ariko Eddy amagambo umbwira ufite aho wayanditse?»

Njyewe-“Eeeeeh, kubera iki Bb?»

Jane-” Ni ukuri atuma… Nako gusa aranyura!»

Njyewe-« Jane, erega nta wundi wayakubwira usibye njye ugukunda, kandi ava mu ndiba y’umutima wanjye!»

Jane-« Sha Eddy, ufite uko ubivuga nakureba mu maso nkibuka ko noneho ndi mu rukundo ikintu nari narazinutswe Ooooh My God!»

Njyewe-” Jane, kuba ngukunda sinabiguhisha, ni ukuri  byarenze igaruriro. Jane, kuva umunsi nkubona wambereye uwa mbere ndetse umbera n’uwa nyuma, wambereye uwahashize ,uwu’bu ndetse n’uw’ahazaza. Jane, nzi neza ko umunsi umwe nzagira umunezero ntigeze ngira kuva nava mu nda ya Mama, ubwo nzakwambika impeta y’urudashira imbere y’Imana n’abantu. Jane, nongere mbisubiremo Ndagukunda!,

Nkimana kuvuga gutyo nahise mpaguruka ntitaye ku bari aho hafi, nkora mu mufuka, mfumbatiza aka Box gato nari mfite kari karimo ya chainette ndatambuka nitonze nshinga ivi imbere ya Jane nk’ikimenyetso cyo guca bugufi kubw’umutima wa Jane nifuzaga kwakira , Jane akibibona ahita yipfuka mu maso hashize akanya gato ampagurutsa yitonze arampobera mpita mfungurira inyuma ka ka Box nkuramo  ya chainette ndayimwambika nitonze, ndangije ndamwongorera buhoro!

Njyewe-“Jane iyi ni intangiriro y’urugamba rw’urukundo ntangiye kandi nta yindi ntwaro mfite, icyo ndwanira ni wowe kandi nziko nzagutsindira!»

Jane n’amarira menshi aba arambwiye,

Jane-“Eddy ibi ni ibiki unkoreye koko?,birandenze!»

Njyewe-” Ma Cherie, iyi ni imirabyo, ahubwo itegure inkuba, nyemerera dufatanye urugendo ntacyo uzabura!»

Twari tugihoberanye, Jane ahita andekura afata ya Chainette nari namwambitse arayitegereza cyane arangije turebana mu maso nk’umunota ahita amfata ibiganza arambwira…

Jane-« Eddy nk’uko nabikubwiye, nahoraga mbabaye iminsi yanjye yose , abavandimwe banjye bakandema agatima bakabwira ko umunsi umwe nzibagirwa byose ngatangira ubuzima bushya!, Eddy nkikubona sinzi uko nahindutse numva umutima wanjye urasimbutse ubwenge bwanjye bunyibutsa ko gukunda bibaho ibintu nari naribagiwe!… Eddy nanjye ndagukunda kandi noneho niteguye kugufasha kurwana iyi ntambara, nababaye rimwe ariko sinzababara kabiri ndetse nzishima ubuzima bwanjye bwose ndikumwe nawe! Eddy ndabyemeye!! »

Guys,  Jane akimara kumbwira ayo magambo  nahise numva hari ahandi hantu ahari  ndi, nkumva ahari nsinziriye nkaba ndi kurota ntangira kwihumura mu maso , imbamutima ziraza nsesa urumeza  mpita nterura Jane mushyira ibicu ndamuzengurutsa ari nako akomeza kunsaba imbabazi ngo mushyire hasi, hashize akanya mushyira hasi  yongera kumpobera, uwo munsi nibwo bwa mbere yampaye kiss!, ari naho urugendo rw’urukundo rwanjye na Jane rwatangiriye!,

Ubwo twahise turekurana turongera turicara ariko ubona ko twishimye bidasanzwe , Jane yanyuzagamo akitegereza ya chainette yari mu ijosi rye nkabona ibyishimo biramurenze  akanyitegereza akamwenyura ya nseko nkunda cyane byose bikazura mu mutima wanjye,

Twakomeje kuganira noneho byiza, Jane  ntiyari akinyita Eddy ahubwo yanyitaga twa tuzina namwe muzi turyoshye!, ako kanya umu serveur azana agafi nari nashyirishijeho, Jane ahita amubwira ngo yisubirireyo arabyikorera, nanjye ndategereza, mbona  arahagurutse atangira  kunkarabya intoki, ibintu nakorewe bwa mbere ariko byanyeretse kwicisha bugufi n’umutima mwiza Jane afite, arangije nawe arakaraba turya ako gafi n’aga firiti dusoje dukomeza kwiganirira biryoshye kabisa ntabeshye njye numvaga ndi mu bicu pe!,burya ntagishimisha nko kugera kucyo wifuzaga!

Bwatangiye kugenda bwira kandi twari dufite kujya gusoza amahugurwa twatangiye, nubwo muri twe ntawifuzaga kuva aho ngaho, gusa nta kundi twagombaga kugenda, mbere yo guhaguruka  Jane arambwira,
Jane-“Cheri, ndagushimira cyane ku bw’uyu munsi mwiza ntazibagirwa, ni ukuri  wanyeretse koko ko ushobora kunyibagiza byose nkongera kwishima!»

Njyewe-“Oooh Bb, kunshimira singombwa icyo nshaka nuko ubona ko ngukunda Jane mwiza!! »

Tuba turasetse, burya abantu iyo bishimye baseka n’ibidasekeje nkubu wambwira twari dusetse iki koko?

Nahise naka aga facture ndishyura ubundi mfata my Shining Star Jane dusohoka aho n’umutuzo uvanze n’ibyishimo twegera ku muhanda dufata aga taxi voiture twerekeza hahandi twakoreraga amahugurwa!

Mu modoka twagiye tuganira  ukuntu nararaga nshikagurika mbona isura ye mu nzozi  agaseka cyane bikanyura, tugeze hahandi amahugurwa yaberaga tuvamo Jane ahita asobeka ukuboko mu kwanjye dutambuka abantu baturangarira bidasanzwe, twinjira muri Salle bari bakoreye decoration iryoshye cyane nk’ahantu hari hari bubere  ibirori by’abasirimu birumvikana.

Twiyicarira ku ka meza kacu twenyine njye na Jane turiganira, hashize akanya mbona Eric ari kumwe n’undi mukobwa nawe wari uri mu mahugurwa barinjiye batubonye  baza aho twari turi, baradusuhuza nabo baricara, dutangira  kwiganirira muri rusange mbega  wabonaga bisa neza,

Hashize nk’iminota nka 20  abayobozi bari bashinzwe iby’amahugurwa  ndetse na Mwarimu baba baraje, batangira gutanga umwanya w’ijambo ku bashyitsi batandukanye, ari nako natwe dukurikiye bigera mu mwanya wo gutangaza abitwaye neza kurusha abandi twese noneho turaceceka mba nongoreye Jane gacye!,

Nyewe-“Bb Nizere ko witeguye kujya gufata igihembo cy’umukobwa uhiga abandi mu bwiza”

Jane yarasetse cyane yunama ku meza, dukomeza gukurikira Mwarimu wari ufite ijambo, hashize akanya ahera kuwa gatanu, arakomeza agera k’uwa kubiri ngiye kumva numva barampamagaye Eric na Jane nibo babaye aba mbere kumpa amashyi narahagurutse ariko ntabyumva neza, nakira envellope turifotoza ubundi ndagaruka. Eric na Jane batangira kunyishimira banyaka envellope, bikomeza kunshimisha cyane ubwo Jane ahita avuga,

Jane-“Mutuvire kuri envellope maze!, namwe ubutaha muzabe aba mbere babahembe!”

Ubwo twese twarasetse, Jane ahita anyongorera gacye arambwira,

Jane-“Felicitation Cheri ,urabikwiye!”

Njyewe-“ Thank you My Darling! byose n’amahirwe yo kuba ngufite!”

Nyuma y’ibyo, batanze umwanya wo kurya no kunywa, hari hateguwe ibintu by’ubwoko bwose, natwe kuri table yacu tuba twihereza uko tubyumva, hashize umwanya abayobozi batanga umwanya wo kwidagadura ababishaka bakabyina bashaka bakageza mu gitondo,

Twe rero aho twari twicaye twakomeje kwiyicarira ariko byageze aho biraryoha, DJ ashyiramo uturirimbo dutuje natwe turahaguruka dutangira kubyina njye na Jane, nubwo ntabyo nari nzi gusa nihagazeho ndagerageza ari nako twongorerana utugambo twiza mbega wari umunsi w’akataraboneka kuri njye!

Twakomeje kubyina sinzi ukuntu narebye hirya gato mbona Destine yicaye  wenyine, afite icupa rya Heinkein ari kutwitegereza cyane, nsa nubyirengagiza twikomereza kubyina, bigeze nka saa tanu Jane aranyongorera,

Jane-“Cheri ndumva naniwe sha, tube turuhutse!”

Njyewe-“ Oooh humura Bb, ndagufite utagira icyo wikanga!”

Ako kanya twahise dusohoka twigira hanze ariko n’abandi bahise basohoka tubonye bisa nkaho birangiye duhita dupanga kuzamuka tukajya kwiryamira, mu nzira twagendaga dufite ibinezaneza mu maso, Jane yari yanyisanzuyeho cyane  ubona ko nta gushidikanya  bimurimo,  tugeze kuri chambre yiwe duhagarara akanya gato ahita afungura chambre arambwira,

Jane-“Eddy welcome!”

Nyewe-“Thank you sweet!”

Nahise ninjira Jane  akuramo udukweto ashyira isakoshi ku ka meza, ubwo njye nari nicaye ku gatebe kari gahari nirebera igitangaza cy’umukobwa, sinzi uko yahindukira abona mwitegereza cyane ahita ambaza,

Jane-“Uuuh Eddy ubwo koko uri kureba iki?”

Njyewe-” Eeeh Bb nawe wabibonye?, sha erega sinzi niba amaso yanjye azahaga kumureba!”

Jane-“Yooooh! Cheri, ntushobora kumva ukuntu merewe!, basi iyaba byahindukaga amahugurwa akaba ubuzima bwose nkajya mpora ntuje  ndi kumwe nawe ibihe byose!

Njyewe-“Bb humura ubu ndi kumwe nawe kandi ndabyizeye bizaba iminsi yacu yose y’ubuzima!”

Jane-“Urakoze Cheri!, Gusa ndikwibuka ko ngiye gusubira mu mihangayiko yo mu rugo nkumva nshitse intege!”

Njyewe-“Oya Bb ahubwo nicyo gihe cyo kugira imbaraga zo guha agaciro amahitamo yawe!”

Jane-“Cheri ndabyumva ariko birakomeye!”

Nahise mufata ku mu misaya ndamwitegereza  ubundi ndamubwira,

Njyewe-“Ma Cherie  uzagerageze n’imbaraga zawe zose, nanjye nzitanga! Buhoro buhoro inyoni yuzuza icyari cyayo!”

Jane-“Eddy ndagukunda!”

Njyewe-“Nanjye ndagukunda cyane Jane!”

Nahise mpobera Jane mugumisha mu gituza ariko mu kumwitegereza mbona asa nunaniwe,

Njyewe-“Boo, ndabona unaniwe ariko!”

Jane-” Cheri  aka kanya umaze kumenya bihagije?”

Njyewe-“Birakugaragaraho Bb, ahubwo reka nkureke uruhuke!”

Jane yahise ahaguruka nanjye arampagurutsa amfata mu bitugu,

Jane-” Cheri, wakoze cyane  kubyo wankoreye byose kandi ndakwizeza kuzakora uko nshoboye nkaguha urukundo ukwiye!”

Njyewe-“Urakoze cyane my Darling!”

Nahise mpindukira ndagenda ngeze ku rugi ndakingura nsubiza amaso inyuma kuko numvaga ntashaka kugenda mpuje amaso na Jane wasaga nkaho ababaye turamwenyura mpita muha aga kiss ko mu muyaga ubundi umusore wanyu nshaho,

Ngeze muri chambre yanjye nahise nidunda ku buriri uko nakabaye ntangira kwibuka byose, nkajya nyuzamo ngashiduka namwenyuye ! nakangutse nka saa kumi n’imwe nsanga narayemo inkweto, burya uko nagatecyeje Jane nahise nsinzirirako!? Mbega umunsi!,

Nahise nkuramo imyenda ndongera ndaryama, nka saa moya ndakanguka, njya  muri douche mvuyeyo ndambara ntangira gupanga imyenda neza nyine nk’umuntu ugiye gutaha, ngiye kumva numva hari ukomanga, ndahaguruka ngeze ku muryango nsanga ni Jane wari witeguye nk’umuntu ugiye kugenda ahita angwamo!

Jane-“Wooooow!Cheri yambii!

Njyewe-“Yambiiii Honey ,waramutse gute?”

Jane-“N’urukumbuzi sha!”

Njyewe-“Yoooh, none se ko witeguye nkugiye kugenda, ushaka kunsiga i Butare!?”

Jane-“Cheri, maze nicyo nari nje kukubwira!”

Njyewe-“What?”

Jane-“Sha, nyine Papa ngo ari kuza ino, hari uruganda dufite aje kureba arampamagaye ngo arashaka ko amfata tukajyanayo ubundi tukaza no gusubirana i Kigali”

Njyewe-“Ooh My God! Boo, nari nzi ko tujyana none biranze kweli!?”

Jane-“Cheri ,cyangwa mubwire ko hari umuntu ndi kumwe nawe aze kudutwara tujyane!”

Njyewe-“Honey, byari byo gusa urumva ko mugiye no mu kazi, kandi sinamenya igihe muvirayo mushobora no gutaha mutinze kandi urumva nawe sinakubona uko mbyifuza, reka nihangane ahubwo ejo ni Week-end tuzashaka umwanya tubonane sibyo Cherie!?”

Jane-“Ooooh chou, nkunda ko utekereza neza!, gusa kuri iyi nshuro sintinya kugaragaza amahitamo yanjye, Eddy igihe cyose uzajya unyifuza ntuzatinye kumbwira, kandi nanjye nzaguha umwanya ukwiye, kuri njye sinshidikanya ko ari wowe noneho ngomba kurwanirira byange bikunde!”

Njyewe-” wooow urakoze cyane My love!”

Jane yahise ampobera ubundi ahita aza atangira kunzingira imyenda ayishyira mu gikapu, ibintu nabonaga ari byiza cyane mu maso yanjye, hashize akanya gato numva telephone irimo isona,

Njyewe-“Honey, itaba iyo telephone sha dore yahogoye!”

Jane-“ Yooooh uziko ntari nayumvishe!,Eeeeh ni Daddy!”

Jane yahise yitaba vuba vuba sinzi ibyo bavuganye akuye telephone ku gutwi ahita ambwira,

Jane-“Cheri birabaye ,Papa arambwiye ngo agiye kuhagera, ngo yizereko narangije kwitegura!”

Njyewe-” Oooooh my God!! Boo ,ubu ugiye kunsiga kweli?”

Jane-“Eddy humura singusize wenyine ngusigiye umutima wanjye wigaruriye mu gihe gito,reka ngende kandi ndizera ko igihe kimwe nzahora mu byishimo nkibi!”

Jane yahise ampobera cyane twitsa imitima ubundi  ndamuherekeza tujyana chambre ye afata valise turamanuka, mugeza kuri Gate mpita muhobera cyane nanone turebana mu maso nk’umunota maze ndamubwira ,

Njyewe-“Cherie, je t’aime!”

Nakomeje kwitegereza isura itatse ubwiza, mbona amarira atangiye kuzenga mu maso meza y’umweru de!,Jane  ariko ahita yihanagura vuba vuba arambwira,

Jane-“Eddy nanjye ndagukunda cyane!”

Muri ako kanya nahise mbona Range Rover y’umukara iza yihuta cyane ……