Labels zishobora kuzateza umwuka mubi hagati y’abahanzi batazibamo n’abazibamo-TNP

Uko umuziki w’u Rwanda ugenda urushaho kugira indi ntera, ni nako hagenda havuka amazu menshi agirana imikoranire n’abahanzi bamwe na bamwe bitewe n’ibyo buri umwe ashaka ku wundi ‘Labels’.

Mu bindi bihugu bimaze gutera imbere mu muziki, gushinga ama labels n’imwe mu ntwaro yagiye ibafasha kumenyakanisha ibihangano by’abahanzi babo kuko bafashwa buri kimwe kerekeranye n’umuziki.

Aho biziye mu Rwanda, ubu hari amazu asaga arindwi akora ako kazi. Ayo akaba ari Kina Music, Touch Entertainement, Future Records, New Level, Super Lavel, Incredible Records na ID ya King James.

Itsinda rya TNP risanga nyuma y’igihe runaka izo labels zishobora kuzateza umwuka mubi hagati y’abahanzi bazibamo n’abatazibamo kubera ko n’ubushuti bugera aho bugakendera kuko ntaho muhurira ngo muganire.

Bavuga ko buri kimwe cyose ushaka ku muhanzi ufite label ubanza kuvugana n’itsinda rimushinzwe ‘Team Management’. Rimwe na rimwe bakaba banagusaba ibyo udafite kugira ngo umuhanzi wabo aze kugufasha igikorwa runaka.

Uwo mu bano igihe uzaba utagihari hagati y’umuhanzi n’undi ku bahanzi bari bagishaka uburyo batezanya imbere, bizagera aho bikavamo beef kandi zitari zigihari kuba umuhanzi yashyamirana n’undi.

Tracy na Paccy bagize itsinda rya TNP, bakomeza bavuga ko bikwiye kujya bitekerezwaho cyane ku buryo umuhanzi agira imikoranire ya hafi na mugenzi we aho kuba hari aho yananizwa.

Iri tsinda ry’aba basore, ryanashyize hanze amashusho y’indirimbo bise ‘Sexy Girl’ bakoranye na Naason umwe mu bahanzi akaba n’utunganya ibihangano by’abahanzi ‘Producer’.

Joel Rutaganda

UM– USEKE.RW