Episode 59: Destine yategeye Eddy Taxi Voiture barekeza mu mahugurwa i Huye

Episode 59 …. Nkanda yes nshyira ku gutwi!

Njyewe – “Hello!”

We – “Allo, Eddy bite?”

Njyewe – “Ni bon, meze neza rwose!”

We – “Ko wanyanze se?”

Njyewe – “Oya, uwo muco ni mubi sinawugira!”

We – “Hahhhhhh,  ese ubwo basi wamenye?”

Njyewe – “Oya,  ahubwo nyibwira!”

We – “Ariko Eddy, koko n’ijwi ryanjye nti wari warimenya?”

Njyewe – “Erega buriya abakobwa benshi muvuga kimwe!”

We – “Ariko nawe! Ahaaaaa! Basi ngaho fora uwo ari we?”

Mu gihe akivuga, telephone yanjye iba irazimye, oooooohlala!

James – “Eeeeh Bro, ayo magambo azimya telephone wumvise arabe atabishya inzoga cyangwa ngo amene n’amacupa!”

Twese – “Hahhhhhh”

Njyewe – “Wapi Bro, ni umuntu ntazi wari umpamagaye umuriro uhita unshirana!”

James – “Araza kongera ntacyo, ahubwo baguhe akandi!”

Njyewe – “Eeeeeeh oya Bro! Reka nzarinywe ubutaha, ahubwo reka dutahe njye kwitegura!”

James – “Ok, nta kibazo Bro, icya mbere ni akazi, ibi byo bizahoraho!”

James yahise yishyura turasohoka, tugenda twiterera stories nk’ibisanzwe, wabonaga ko twishimye cyane, tugeze ku muhanda nsezera James mfata  moto ingeza mu Biryogo. James na we afata iya  Kimisagara, dutandukana ubwo, ngeze mu rugo  nsanga Kadogo yicaye muri salon.

Njyewe – “Eeeeh!, ariko sha Kado wagiye uryama koko!”

Kadogo – “Erererere! Boss ubwo natinyuka kuryama utaraza nkaba ndi umukozi? Naba ndi karyarugo, ahubwo karibu ku  meza Boss wanjye!”

Guys narasetse ndongera ndaseka imbavu zitangira kundya, hashize akanya twigira ku  meza dutangira no kwiganirira.

Njyewe – “None se Kado, utegereza umuntu utazi igihe azira?”

Kadogo – “Boss, n’iyo nageza mu gitondo ngutegereje nta ribi, upfa kuza umpa iposho gusa!!”

Njyewe – “Hahhhhh, Kado, ejo rero ndajya mu Ntara uzasigare ucunga inzu neza akira amafaranga, uzajye uhaha nugira ikibazo uzampamagare dore nomero nzanditse kuri kano gapapuro!”

Kadogo – “Urakoze Boss kandi wigira ikibazo nzasigara ku rugo neza rwose. Eeeeh! Mbega neza cyane, nzajya mbyuka  nijoro ndebe ko ibintu byose bihari,  ni wowe nzajya ndeba ko udahari gusa!”

Njyewe – “Hahhhhhhhhh, ngaho jya kuryama ni ah’ejo Kado!”

Nahise njya muri chambre, nshomeka telephone, ntunganya ibyo nzajyana ndangije niryamira ku buriri ntangira gusubiza film y’umunsi inyuma, ngeze ku byanjye na Destine nibuka ukuntu yanganirizaga, nibuka ukuntu yamfatishije nkamuherekeza i Remera.

Nkiri muri ibyo nibuka ko telephone yanjye ntigeze nyifungura mba ndayifashe nkandiraho iraka mu kureba neza mbona number yanyohorereje  message ebyiri!

Oolala nafunguye message ya mbere n’amatsiko menshi, iyo message yavugaga ngo: “Eddy please, mbabarira sinari nzi ko udakunda jocks, basi ihangane usubizeho telephone nkwibwire!”

Nkimara gusoma message nibajije byinshi mbura igisubizo, sinzi namwe niba bibabaho, hari ukuntu ubona   message ya number utazi n’iyo yaba ikubwira ngo  Bonne nuit gusa, ugatangira gutekereza byinshi, ugatangira gushushanya mu ntekerezo uwo ari we, mbega ukabiha umwanya pe!

Icyo gihe na njye narashigutse nihuta mfungura message ya kabiri, yo kabisa narayisomye ndatungurwa, wumve message yatumye ndara ntekereza ijoro ryose nkagoheka amasaha make mbega mu rukerera.

Iyo message yagiraga iti: “Eddy uyu munsi wambereye uw’amateka mu buzima bwanjye. Nawanditse ku mutima, nzi ko igihe kimwe uzanyibutsa intangiriro y’ibyishimo byanjye, sha nti wakumva ukuntu umutima wanjye uri gutera usiganwa. Ndahumiriza nkabona isura yawe, iri joro sinzi ko ndi butore n’agatotsi byibura n’umunota umwe, Eddy uku ni ukuri kudacagase, from Destine.”

Guys, nkimara gusoma iyi message nabaye nk’ukubiswe n’amashanyarazi Destine muha intekerezo zanjye zose ijoro  ariko mbura ijambo ryo kumubwira.

Mu gitondo nakanguwe na alarm nari nashyize muri telephone, ndabyuka nsanga Kadogo amazi yayagejeje muri douche, ndoga mvuyeyo nditegura neza  mfata ifunguro rya mu gitondo, negura igikapu nsezera Kadogo wanjye, nerekeza ku muhanda, ngeze yo  mfata Bus ijya mu Mujyi, tugeze imbere gato telephone yanjye iba irasonnye ndebye mbona ni ya number ako kanya mpita  menya ko ari Destine, nkanda  yes nshyira ku gutwi!

Njyewe – “Hello!”

Destine – “Eddy bite!?”

Njyewe – “Meze neza kabisa!”

Destine – “Sha ntiwirirwe uca ku kazi ntabwo tukigiye n’imidoka y’akazi, ngo yagize ikibazo iri mu igaraje!”

Njyewe – “Ok nta kibazo urakoze reka njye gukatisha ticket Nyabugogo!”

Destine – “Ahubwo se ugeze hehe ko njye ngiye kugera Nyabugogo?”

Njyewe – “Ndi muri bus ijya mu Mujyi!”

Destine – “Ok banguka urasanga nagufatiye Ticket!”

Njyewe – “Oya, utigora ufate iyawe nimpagera ndafata iyanjye na njye nta kibazo!”

Destine – “Uuuuh Eddy nako ntacyo!”

Twakomeje gutinda tinda ibya Bus namwe murabizi, twageze Nyabugogo nka saa tatu, nkiva muri Bus numva umuntu amfashe ukuboko mpindukiye nsanga ni Destine ntumbaze uko yambonye!

Destine-“Wooooow Eddy, wambaye neza!”

Njyewe – “Merci, gusa impamvu untanze ni uko uzi ko nari ngiye kubikubwira!”

Destine – “Ese maama! Thank you! Sha nagutegereje mbona uratinze, ubu nari ntangiye kwibaza ukuntu ndibugende njyenyine!”

Njyewe – “Humura nturi bugende wenyine ahubwo reka nze nkatishe ticket tugende!”

Destine – “Ooooya, Eddy ahubwo ngwino nkwereke!”

Siniriwe mpatiriza mubaza icyo agiye kunyereka, nahise mujya inyuma, ankatana inyuma ya Gare! Tugeze ahantu hirya gato ya Gare hari  station, mbona taxi voiture iparitse, tuyigezeho Destine afungura umuryango.

Destine – ” Eddy karibu!”

Njyewe – “Desti, nonese……”

Nkivuga  Destine aba anshiye mu ijambo.

Destine – “Eddy sha injira tugende!”

Na njye nta yandi mahitamo nari mfite nahise  ninjira muri taxi voiture ndicara ndegama, na we araza twicarana inyuma, Umushoferi ayikubita umuriro twambuka Nyabarongo amajyepfo tuba turayinjiye!

Twagiye tuganira bike nk’abantu mbega batari bamenyerana byo kwisanzuranaho, gusa njye nafataga umwanya nkibaza ibirimo bimbaho nkabona ni nk’inzozi ndimo, hashize akanya Destine arandeba atuje, agorora ikora rya lacoste nari nambaye ubundi arambwira.

Destine – “Eddy mbabarira naraye mbangamye, gusa sinari nzi ko uri…”

Atari yarangiza kuvuga  mpita muca mu ijambo ndamubwira.

Njyewe – “Ahubwo ni njye wakagusabye imbabazi kuko ntasubije Message zawe, naho burya umpamagara bwo telephone yanjye yahise ishiramo umuriro irazima, I am sorry kabisa!”

Destine – “Ooooh sorry sha  gusa naraye ntekereza byinshi!”

Njyewe – “Yooooh ibiki se ubwo Desti?”

Destine –  “Ahaaaaa, nzakubwira!”

Njyewe – “Ok nta kibazo, nonese Destine, watekereje gufata taxi voiture gute? Eeeeh, ubu  koko ntiwihendesheje? Rwose nari nzi ko ticket wayifashe kare igihe twavuganaga?”

Destine –  “Hahhhh reka sha, burya umaze kunyemerera ko tujyana nanze ko tugenda mukavuyo numvaga nshaka kujyana nawe twisanzuye!”

Njyewe – “Ooooh byiza, wakoze  cyane!”

Destine – “Eddy sha ibi ni toto cyane, gusa mbabarira ngusabe akantu!”

Njyewe – “Mbwira ndakumva rwose Destine!”

Destine –  “Ndashaka kugusaba umwanya Eddy!”

Njyewe – “Uuuuuh, Desti, umwanya umeze ute?”

Destine –  “Nyine wo  kuba hafi yanjye! Mbega ukamba hafi, ntiwumva icyo nshatse kuvuga se?”

Njyewe –  “Ndumva niba ari umwanya usanzwe nk’uyu ntawukuburira pe, icy’ingenzi ni ukutibagirwa inshingano!!”

Destine – “Really?”

Njyewe -“Yup”

Ubwo Destine yahise anyegamaho, twari tugeze i Nyanza abazi Amajyepfo. Mu kunyegamaho ahita  asinzira koko ubanza yararaye adasinziriye.

Na njye mfata headphones ngenda niyumvira musics, twageze i Huye Destine akinsinziriyeho, ndamukangura taxi itugeza neza neza aho amahugurwa yari butangire kubera. Turasohoka Destine arayishyura iragenda, twerekeza kuri reception, aho  twatangaga imyirondoro bakaduha Badges n’imfunguzo z’ibyumba, birumvikana nk’abantu twari tuziye rimwe baduhaye ifunguzo z’ibyumba bikurikiranye…………………………..

Ntuzacikwe na Episode ya 60 na Eddy muri My Day of Surprise…………………..

UM– USEKE.RW