Izingiro ry’umuhanzi ukizamuka ni igihangano gifite ireme- Jay Keys

Abenshi baraza bagakora indirimbo imwe bakazimira, hari abigana indirimbo zo hanze ziganjemo amagambo yo gushyamirana hagati ya bagenzi babo ngo babone ko bamenyekana, n’abakora umuziki kugirango babamenye nta ntego yindi bafite ibyo byose ngo niho umuhanzi apfira ntamenyekane cyangwa se agahita amenyekana.

Mubera Hamad Joshua ariko  ukoresha izina rya Jay_Keys mu buhanzi, ni umuhanzi nyarwanda ukizamuka akaba aririmba mu njyana ya RnB.

Yavukiye mu karere ka Rwamagana ariko ubu akaba akorera umuziki we mu mujyi wa
Kigali akaba ngo intumbero ye ari ugukora ibihangano bizaramba kandi bifite ireme.

Jay_Keys yambwiye Umuseke ko usanga bamwe muri bagenzi be bakizamuka bakora indirimbo mu buryo (style) bakurikije izo bumva zo hanze.

Bagakoreshamo amagambo usanga aba ataboneye kandi atubaka abakukurikira umuziki usanga aba ashaka guhanga ngo  gusa yumve ko yavuzwe hanyuma agatangira kumanura ipantaro n’ibindi.

Ku ruhande rwe, ngo abona inama yagira abahanzi bagenzi be bakizamuka (Under grounds) nkuko bakunda kubita, ko bagombye gukora indirimbo zirimo inyigisho yagirira sosiyete akamaro.

Kandi bakagira n’indangagaciro mu byo baba binjiyemo kuko baba bagiye kuba ijisho rya rubanda. Benshi mu bakurikirana ibikorwa byabo haba harimo urubyiruko ruto rushobora kugendera ku byo bababonyeho.

Nsanzimana Christopher

UM– USEKE.RW