Sunrise FC isimbuye SM Sanga Balende itaje mu irushanwa rya AS Kigali

*Kutaza kw’iyi kipe yo muri Congo byahinduye uko imikino y’irushanwa yari iteguyeho gato.

Irushanwa rya AS Kigali rikomeje kuzamo impinduka, SM Sanga Balende yo muri DR Congo na yo yananiwe kugera mu Rwanda, yasimbujwe Sunrise FC y’i Nyagatare.

Kuri uyu wa kane tariki 8 Nzeri 2016, nibwo irushanwa ryateguwe n’umujyi wa Kigali, ‘AS Kigali Pre-Season Tournament 2016’ ritangira.

Byari biteganyijwe ko iri rushanwa ryari gukinwa n’amakipe umunani (8), harimo ane yo mu Rwanda, n’ane yo muri DR Congo.

Muri ayo makipe ane yo muri DR Congo yatumiwe, ayashoboye kugera mu Rwanda, akazakina iri rushanwa ni abiri, AS Vita Club na Dauphin Noir.

Kuwa gatanu w’icyumweru gishize, Daring Club Motema Pembe yo muri DR Congo yabwiye abateguye irushanwa ko itazaboneka, isimbuzwa Police FC yo mu Rwanda.

Mu gihe habura amasaha make ngo AS Kigali Pre-Season Tournament 2016  itangire, na SM Sanga Balende yasezeye muri iri rushanwa ivuga ko yagize ibibazo by’indege byatumye batagerera mu Rwanda ku gihe.

Umuvugizi wa komite itegura iri rushanwa, Joseph Nshimiye yatangarije Umuseke ko SM Sanga Balende yagombaga gusimbuzwa Bugesera FC (yabaye iya 7 muri Shampiyona), ariko ngo ntiratangira imyitozo.

Byahaye amahirwe kuri Sunrise FC yarangirije hafi (8) ku rutonde rwa shampiyona y’u Rwanda umwaka ushize.

Imikino ya Pre-Season Tournament 2016 uko yari iteganyijwe yahindutseho gato:

Itsinda  A: AS Kigali, APR FC, Dauphin Noir and AS Vita

Itsinda  B: Rayon Sports, SC Kiyovu, Sunrise Fc and Police Fc

Tariki 8 Nzeri

AS Kigali vs AS Vita (Stade de Kigali, 15:30)

Rayon Sports vs Police Fc (Stade de Kigali, 18:00)

Tariki 9 Nzeri

APR FC vs Dauphin Noir (Stade de Kigali, 15:30)

Sunrise Fc vs SC Kiyovu (Stade de Kigali, 18:00)

Tariki  11 Nzeri

AS Kigali vs Dauphin Noir (Stade de Kigali, 15:30)

Sunrise Fc vs Rayon Sports (Stade de Kigali, 18:00)

SC Kiyovu vs Police Fc (Mumena, 15.30)

AS Vita vs APR FC (Stade Umuganda, 15.30)

Tariki 13 Nzeri

AS Vita vs Dauphin Noir (Stade Umuganda, 15.30)

Police FC vs Sunrise Fc (Kicukiro, 15.30)

APR FC vs AS Kigali (Stade de Kigali, 15.30)

SC Kiyovu vs Rayon Sports (Stade de Kigali, 18.00)

Tariki  15 Nzeri, imikino ya ½  (Stade de Kigali)

Tariki 17 Nzeri umwanya wa 3 na Final (Amahoro Stadium)

Roben NGABO
UM– USEKE.RW