Umukobwa mugufi kurusha abandi ku isi afite inzozi zo kuba kizigenza muri Cinema

Webmaster Marcel
12/17/2011

NAGPUR mu buhinde bwo hagati niho kuri uyu wa gatanu Guinness World Records yaraye yambitse ikamba umunyeshuri wo mu ishuri ryisumbuye mugufi kurusha abandi ku isi. Bikaba byahuriranye n’isabukuru y’umunsi w’amavuko ye y’imyaka 18 y’umwari Jyoti Amge, inzozi ze zisumba izindi zikaba ari ukurangiza kaminuza ubundi akajya kwikinira ama cinema i Bollywood.

Nguyu Jyoti Amge ufite uburebure bwa 62.8 cm — Ng'uyu Jyoti Amge ufite uburebure bwa 62.8 cm

Jyoti Amge ufite uburebure bwa centimetero 62.8 z’uburebure (62.8) asumbwa n’umwana w’ikigero cy’imyaka ibiri, ibi bikaba byemejwe n’ikigo cy’inzobere mu dushya dutangaje cyane cy’i London mu bwongereza kizwi nka Guinness World Records mu muhango wari witabiriwe n’inshuti n’abavandimwe 30 z’uyu mwari wabereye mu mujyi wa Nagpur mu ntara ya Maharashtra.

Yaberewe cyane mu mikenyero y’isari ye yamuhenze kurusha iyindi Amge yavuze ko kuba ariwe nyangufi ari ishema rikomeye cyane, by’akarusho bikaba bihuriranye n’isabuku ye ya 18, ubwo yamaraga kuvuga gutya, yafatanyije n’abatumirwa be bakata umutsima wateguriwe uyu munsi w’amavuko ye.

“Ubu menyekanishije Nagpur ku ikarita y’isi, buri wese ubu azi aho iherereye” ibi bikaba byatangajwe na Amge wongeyeho ko afite inzozi zo kuba ikirangirire muri cinema mu gihugu cye i Bollywood kandi akanakomeza kwiga kaminuza nyuma yo kurangiza ayisumbuye.

Uyu mwari yenda kureshya na certificate yahawe — Uyu mwari yishimiye cyane certificate yahawe nubwo yenda kureshya nayo

Mu magambo ye Amge Yagize ati: “ndashaka kuba kizigenza muri cinema”. Amge arushwa centimetero 7 n’undi mugore w’umunyamerikakazi Bridgette Jordan w’imyaka 22 wari uri kuri uyu mwanya kuva mu kwezi kwa cyenda uyu mwaka.

Ku isabukuru ye y'amavuko ninabwo yahawe igihembo

Amge kuba yabaye nyangufi mu bangavu byamuhesheje ibihembo byinshi bitangwa na GWR birimo gutemberera ahantu hakataraboneka mu buyapani, ubutaliyani aho azagenda ahurira n’urungano rwe.

Umuhigo wo kuba nyangufi mu mateka y’isi ukaba ukomeje kwiharirwa n’umuholandikazi Pauline Musters wabayeho mu mwaka w’1876 kugeza mu w’1895 wareshyaga na centimeter 61 z’uburebure.

INEZA Douce
UM– USEKE.COM

15 Comments

kaberuka says:
12/17/2011 at 11:49

isabukuru nziza nyampinga we!uraberewe cyane!nakwifuriza kandi kuzakabya inzozi zawe

yoyo says:
12/18/2011 at 13:41

urarenze 2 uuri ikibasumba peeeee

EMMANUEL says:
12/18/2011 at 14:20

Isabukuru nziza tu uratwemeje pe

donatha says:
12/19/2011 at 11:42

eeeeeeeeeeeeeeeeh mwana urarenze icyo nakubwira ni courage tu!!!!!!!!!!!!!!!

Ruganzu says:
12/19/2011 at 14:22

Iyo mumubwira aya ma commentaires mu gihindi nibwo yabumva.

LIKI says:
12/19/2011 at 17:48

VERY NICE CONGRETULATION NYAMPINGA!

Joselyne says:
12/23/2011 at 06:53

eeeeeeeeeeeee urimwiza pe!icyo
nakubwira ni courage.

binrumi says:
12/23/2011 at 08:16

sha urimwepe———- ese kombonako iterambambere mubuhindi rigezekure ntibagukurura ngube muremure?

leonce says:
12/23/2011 at 09:13

ariko ntagitangaza kirimo ubu se mubona nyina wa mbogo amurusha cm zingahe?

fabriCE says:
12/29/2011 at 18:51

ba nyangufi baragwira

nduwayezu says:
12/31/2011 at 19:52

ibi bintu biratangaje cyane muyinyoherereze kuli iyi email yanyje ni [email protected]

nduwayezu says:
12/31/2011 at 19:53

uyu ni nyampinga wikinyejana mba mbaroga!

latifa says:
01/02/2012 at 20:05

birantagaje cyane imana yaremwe byinshi ariko niyizera imana inzozi zizaba impamo na shakanga kubasaba go muzabinyohereze kuri facebook