PGGSS6: i Huye uko byari byifashe (Amafoto)

Saa 14h 18′ nibwo igitaramo cy’iri rushanwa ririmo kuba ku nshuro ya gatandatu cyatangiye. Ni igitaramo cya gatanu mu bitaramo umunani bigomba kuzaba.

Inyuma ya stade nshya ya Huye yahoze yitwa imbehe ya Mukura, niho iki gitaramo cyitabiriwe n’abantu benshi ugereranyije n’ibitaramo byagiye bibera muri aka Karere.

Nk’uko bimaze kumenyerwa cyane hano mu Rwanda, mu bitaramo by’iri rushanwa ni hamwe mu hantu hahurirwa n’abantu benshi bavuye ingeri zose baje gushyigikira abahanzi babo bafana guhera mu mwaka wa 2011.

Mu mpinduka zabaye muri iri rushanwa zo kuba hazakorwa ibitaramo umunani gusa mu gihe mu yindi myaka itanu ishize harakorwaga ibitaramo 15, biri mu byafatwaga nk’imbogamizi ku basanzwe begerezwa ibi bitaramo mu duce dutandukanye tw’igihugu.

Gusa ntibibuza abantu kuza aho byabereye nubwo hari abahagera barushye kubera kuva kure no gutaha ngo bikabavuna kuko bagera mu mago yabo bwije cyane.

Abahanzi bose uko ari 10 barimo guhatanira kwegukana iri rushanwa, bose biteguye guhiganwa kuko nta n’umwe ufite ikibazo cy’uburwayi cyangwa se indi mpamvu y’indi yatuma atigaragaza.

Biteganyijwe ko igitaramo gitaha kizabera mu Ntara y’Amajyarugu mu mujyi wa Musanze ari nacyo kizaba kibanziriza icya nyuma mu bitaramo byaberaga mu Ntara dore ko icya nyuma kizabera i Rubavu mu Ntara y’Iburengerazuba.

Uko abahanzi bagiye bitwara ku rubyiniro mu mafoto

Photos:Evode Mugunga/UM– USEKE

Joel Rutaganda

UM– USEKE.RW