Hotel Chez Lando yibasiwe n’inkongi y’umuriro ikomeye

Martin NIYONKURU
07/02/2016

Zimwe mu nyubako za Chez Lando zahiye zirakongoka

Kuri uyu wa Gatandatu, mu masaaha ya Saa Ine, zimwe mu nyubako za Hotel ‘Chez Lando’ iherereye ahazwi nko ku Gisimenti (Kwa Lando) zafashwe n’inkongi y’umuriro zirashya zirakongoka. Biravugwa ko yatewe n’ibikorwa byo gusudira (Soudure) ibyuma bishyushya amazi.

Iyi nkongi itagize uwo ihitana, yafashe zimwe mu nyubako za Hotel Chez Lando zirimo ahasanzwe hakorerwa inama (Salle) no muri ‘Restaurant.

Umwe mu bakozi b’iyi hotel, ukora mu gikoni yabwiye Umuseke ko hari ibikorwa byo gusudira ibyuma bishyushya amazi ku rusenge, bakaba bakeka ko ari yo ntandaro y’iyi nkongi.

Uyu mukozi utifuje ko umwirondoro we umenyekana mu Itangazamakuru (Biremewe mu mwuga w’Itangazamakuru), yavuze ko uyu muriro watangiriye aha hakorerwaga ibi bikorwa, bagahita bihutira gusohora ibikoresho byari biri muri iyi salle yakira inama.

Ati “Uretse amabafure (Indangururamajwi) yari yinsitayemo (Installer), naho ibindi byose nk’ameza n’ibindi twahise tubisohora.”

Police y’u Rwanda iri mu bikorwa byo kuzimya iyi nkongi yabanje no kugorwa n’aka kazi bitewe n’ahaherereye izi nyubako zakongotse dore ko zisa nk’iziri inyuma.

Umuriro wageze hejuru ufite imbaraga nyinshi — Salle ikorerwamo inama yahiye irakongoka

Ikirere cyo kwa Lando cyageze aho kirabudika

Salle yakira inama yahiye irangirika bikomeye

Police yazanye kimya Moto umuriro wageze hejuru mu bisenge

abakozi ba Hotel Chez Lando bafatanyije na Police batabaye

Kuzimya byabanje kugorana bitewe n'aho umuriro wafashe — Kuzimya byabanje kugorana bitewe n’aho umuriro wafashe

Byageze aho ikireere gisa nk'ikibaye icuraburindi kubera umwotsi mwinshi — Byageze aho ikireere gisa nk’ikibaye icuraburindi kubera umwotsi mwinshi

Kizimyamoto zahageze inyubako zikomeje gukongoka

Kizimya Moto zihageze, police n'abakozi ba Chez Lando bakoze ibyo bashoboye — Kizimya Moto zihageze, police n’abakozi ba Chez Lando bakoze ibyo bashoboye

Ibikoresho byasohowe muri iyi salle yakongotse

Amafoto © M. Niyonkuru/Umuseke

Martin NIYONKURU
UM– USEKE.RW

13 Comments

Akumiro says:
07/02/2016 at 14:32

Utarashoboye kumva cyangwa gusoma ubuhamya bw’uburyo amangazini ya T-2000 i Bujumbura yatwitswe, na technology yakoreshejwe, n’aho yavuye, azongere ashake ako kantu. Bizamufasha kumva byinshi cyane ku by’izinkongi z’umuriro.
- Mazi says:
  07/02/2016 at 15:01
  
  Waturanghira aho biri tugasoma, tugasobanukirwa ?
- Mirenge says:
  07/03/2016 at 09:34
  
  @Akumiro, abashaka kubisoma bashakishe barabibona.Ese kuki iyo migurumano tuyibona ahantu harangwa nibintu bimwe? Kumenesha umuntu, kumuhindura umukene,akabisa abagezweho.

Lando says:
07/02/2016 at 15:14

Rwose Nyakubahwa Mushikiwabo Louise nadutabare kuko chez Lando arumwimerere i Kigali rwose.Ndibuka mbona diplôme muri 1991 niho batwakiriye.

Mishyo says:
07/02/2016 at 15:37

Biteyagahinda gusa.Mana garuka kwisi udukize ibibintu byadutse.
- RUTINDAGEZI RWA NKUBITO YA MWAMBARI says:
  07/02/2016 at 16:49
  
  Woweo witwa AKUMIRO, turungikire ubwo buhamya natwe twihere amatwi mu gihe agishobora kumva. Ndagudhimiye cyane.

RUTINDAGEZI RWA NKUBITO YA MWAMBARI says:
07/02/2016 at 16:48

Woweo witwa AKUMIRO, turungikire ubwo buhamya natwe twihere amatwi mu gihe agishobora kumva. Ndagudhimiye cyane.

Jimmy says:
07/02/2016 at 23:44

Pole Sana Bantu

Muguruza says:
07/03/2016 at 00:47

Mwakoze kunyonga ibitekerezo byacu.

Mubabaro says:
07/03/2016 at 03:24

Uyu mushinga w’umucikacumu rwose muwutabarize.

GANZA says:
07/03/2016 at 07:01

Shyira muri google urabona amakuru yose ajyanye n’itwikwa rya T2000 y’i Bujumbura…nta link nagushyiriraho. Impamvu ziri mw’itegeko rihana gukwirakwiza impuha…no kwangisha ubutegetsi buriho abaturage!

Felicien says:
07/03/2016 at 08:41

ibyago bitera bidateguje

Mvejuru says:
07/03/2016 at 14:44

Inzu yubatse gutya ikomeye kandizwi muri Kigali kuva za 1980 niba nayo yibasiwe ninkongi, ntibisobanutse.Harimo ikintu tu.

Comments are closed.

Share this:

13 Comments