Umuziki ntukiri impano mu Rwanda –Diplomate
Umuraperi Nuru Fassassi wamamaye cyane mu Rwanda ku izina rya Diplomate (DPG) mu ndirimbo ze zari zirimo amagambo agaruka cyane ku mateka n’abantu ba kera, asanga umuziki mu Rwanda utakibarizwamo impano ahubwo hakora amafanga.
Avuga ko kubera ubwinshi bw’amazu agirana imikoranire n’abahanzi mu bikorwa byabo ‘Labels’ bisigaye biteza akavuyo mu muziki bigatuma umuhanzi utayirimo impano ikomeza gutsikamirwa.
Ibi yabitangaje mu kiganiro yagiranye na Contact Fm kuri iki cyumweru tariki ya 12 Kamena 2016 aho yanasobanuye ko mu gihe cye yamenyekanishijwe n’impano ye atari amafaranga yishyuye nkuko bikorwa ubu.
Ati “Ubu umuziki wamaze kuzamo akavuyo kenshi gaterwa n’amazu ‘Labels’ agenda avuka buri munsi. Kuko usanga kenshi abafite impano atari bo bamenyekana ahubwo hakamenyekana babandi bishyuye amafaranga ngo indirimbo zabo zirirwe zikinwa”.
Diplomate avuga ko igihe yamenyekaniye ibyo kuba hari inzira zindi umuhanzi abanza gucamo ngo akinwe cyangwa avugwe bitari bihari. Ariko ko aribyo byari byiza kuko wazamukaga ari uko hari icyo wagaragaje.
Ibi rero byo kuba ayo mazu ahuriwemo n’abahanzi ariyo usanga aharanira gushaka icyateza umuhanzi uyarimo imbere aribyo bishobora kuzatuma umuziki uhinduka ubucuruzi cyane kuruta ko umuhanzi aba afite impano.
Nubwo Diplomate avuga ibi byose, mu Ukwakira 2015 yagiranye amasezerano y’imikoranire na label ya Touch Entertainement Group yahoze ari Touch Records yahozemo abandi baraperi barimo Green P, Jay Polly na Producer Fazzo riko abo bandi baza kuyivamo nyuma Diplomate ayisigaramo.
Kuba nawe hari label abarizwamo kandi avuga ko arizo zituma mu muziki hazamo akavuyo, avuga ko we ibikorwa akora ari ibyo gusigasirwa. Ko atari umuhanzi urimo kuzamuka ahubwo ashaka ko bigira ireme.
https://www.youtube.com/watch?v=wTbhDAMmouA
Joel Rutaganda
UM– USEKE.RW
English
4 Comments
Ibyo Kirenge cya Rutare avuga ni ukuri!! Ni gute umuntu utazi gucurangisha igicurangisho na kimwe, utashobora kwiyandikira indirimbo y’iminota itatu; ijwi ari nk’iry’igikona; aba umuhanzi ngo w’umusitari (star) ukomeye.
Diplomat muri ” Kure y’imbibi” yaravuze ati ” Ndashimira radio presenters banzamuye batanzi” Ni koko icyo gihe si amafaranga yarebwaga ahubwo ni impano uwo muhanzi yari afite kandi agifite. Ikijya kubyica ni kwakundi nyine ngo ” Urubyiruko rurashaka imitoma” Iyo uvuze ibyigisha barabisuzugura; hagira uza adondoberekanya ibidafite epfo na ruguru ariko bivuga “Love” urubyiruko si uguca ibiti n’amabuye. Abenshi hari n’ubwo bataba bumva n’ibivugwa, yewe bakanigana imyitwarire y’ibirara(ndlr)byo mu mahanga. Abashishoza rero kandi batega amatwi dukunda kandi dushyikiye Nuur Fassassi aka Diplomat Ngumbayingwe ( ngo aporeza iyo yirobeye yewe!! hahaha I believe that)kuko we sinkababandi barwanira ichope nk’abarozwe.. Bari bakwiye gukurura bashyira ubwonko kuko byose atari mu nda! Thanks to DPG and to Umuseke!!!!
Njewe Dipolmate simuzi ariko iyo numvise ibyo aririmba mbona umuziki wacu ugifite igaruriro.
Komerezaho musore!!!
nibyo kweri aratwubaka pe
Uyu we yasha kugera ate mu turere ngo aririmbire za nyobozi na njyanama ndetse n’injijuke z’iki gihugu. Jye mbona uyu yari akwiye kuba uherekeza His Excellence muri Rwanda Day.
Iyo numvise ibyo aririmba numva ko aha umwanya ubwanditsi bw’indirimbo, agasoma, agatekereza : Diplomatist, Diplomathematique, Diptionary, reka twongereho na Diplophilosophy,… Ni birebire.
Comments are closed.