Miss Jolly yasuye imva y’umwami Mutara Rudahigwa III n’umwamikazi Gicanda

Joel Rutaganda
06/13/2016

MissRwanda2016 Mutesi Jolly hano yari ku mva ishyinguyemo Umwami Mutara Rudahigwa III n’umwamikazi Gicanda

Mutesi Jolly nyampinga w’u Rwanda 2016, yasuye imva y’umwamikazi Rosalie Gicanda n’Umwami Mutara Rudahigwa III iri i Nyanza mu Ntara y’Amajyepfo muri campaign ye yise ‘Agaciro kanjye’.

Ku wa gatandatu tariki ya 11 Kamena 2016 nibwo Miss Jolly yagiye gusura aharuhukiye umwami Mutara Rudahigwa III n’umwamikazi Rosalie Gicanda I nyanza anasobanurirwa birushijeho amateka yabo.

Muri urwo rugendo, Miss Jolly akaba yanafatanyije na Police y’u Rwanda yo mu Karere ka Ruhango gutangiza icyumweru cy’umutekano wo mu muhanda ndetse anasura ibigo by’amashuri bitanu byo muri ako Karere byari bihagarariwe n’abana 800.

Mu butumwa yagejeje ku bari aho, yabibukije ko bakwiye kubyaza umusaruro amahirwe abanyarwanda bafite yo kugira igihugu gifite umutekano usesuye bagakora cyane ndetse ko nta wundi wabamenyera icyo bashaka kugeraho kurusha bo ubwabo.

Bityo bikwiye ko abanyarwanda bakwiye kubaho mu buzima bufite intego cyane cyane urubyiruko rwirinda ingeso mbi zibangiriza ubuzima nko gukoresha ibiyobyabwenge kwiyandarika n’ibindi.

Mu gikorwa akomeje cyo kugenda agirana ibiganiro n’urubyiruko rutandukanye, biteganyijwe ko kuwa gatatu tariki ya 15 Kamena 2016 azajyamu kigo ngorora muco kiri i Wawa kuganira n’urubyiruko ruriyo.

Miss Jolly yasobanuriwe amatekayaranze izi ntwari

Miss Jolly hano yari mu gikorwa cyo gutangiza icyumweru cy'umutekano wo mu muhanda — Miss Jolly hano yari mu gikorwa cyo gutangiza icyumweru cy’umutekano wo mu muhanda

ACP Tonny Kuramba umuyobozi wa Polisi mpuzamahanga ishami ry'u Rwanda (Interpol) niwe watangije icyo gikorwa — ACP Tonny Kuramba umuyobozi wa Polisi mpuzamahanga ishami ry’u Rwanda (Interpol) niwe watangije icyo gikorwa

Miss Jolly yasabye abari aho bakwiye gukoresha amahirwe bafite yo kuba bari mu gihugu gifite umutekano usesuye

Icyo gikorwa cyasojwe no gucinya kadiho n'abaturage bo mu Karere ka Ruhango — Icyo gikorwa cyasojwe no gucinya kadiho n’abaturage bo mu Karere ka Ruhango

Miss Jolly hano nibwo yahuraga n'abanyeshuri 800 bari bavuye mu bigo bitanu abigisha kumenya kumenya agaciro bafite nk'urubyiruko rw'u Rwanda — Miss Jolly hano nibwo yahuraga n’abanyeshuri 800 bari bavuye mu bigo bitanu abigisha kumenya kumenya agaciro bafite nk’urubyiruko rw’u Rwanda

Joel Rutaganda

UM– USEKE.RW

Share this:

2 Comments