Kuri uyu wa gatandatu PGGSS6 ntabwo izaba

Primus Guma Guma Super Star ni irushanwa buri muhanzi wese aba yifuza kujyamo iyo rigiye gutangira. Kubera ibihembo biritangwamo ndetse n’uburyo begerezwa abakunzi (abafana) babo mu buryo bworoshye. Kuri uyu wa gatandatu ibitaramo by’iri rushanwa ntabwo bizakomeza.

Iri rushanwa ririmo kuba ku nshuro yaryo ya gatandatu, ritandukanye cyane n’andi yose yagiye aribanziriza yaba mu buryo bw’umubare w’ibitaramo bizakorwa n’ibyagiye bikorwa mu yandi ndetse n’uburyo abahanzi bitegura igitaramo.

Kuri iyi nshuro, ibitaramo by’iri rushanwa byavuye ku mubare w’ibitaramo 15 byakorwaga bigera ku 8. Muri ibyo hakaba harakozwe bibiri bya semi live naho ibindi bitandatu byose bikazaba ari full live.

Mu gihe mu yandi marushanwa wasangaga ibitaramo biri live byabaga ari bine naho semi live ugasanga ari bitatu. Ibindi byose bikaba byarabaga ari playback aho wasangaga umuhanzi aririmbira kuri CD.

Nk’uko bigaragara ku ngengabihe y’iri rushanwa, mu gice cy’ibitaramo bya full live abo bahanzi baririmo bazajya bahabwa icyumweru kimwe cyo kuruhuka banarushaho kwitegura igitaramo gitaha.

Akaba ari yo mpamvu kuri uyu wa gatandatu tariki ya 28 Gicurasi 2016 nta gitaramo gihari ahubwo ari umwanya wo kuruhuka kikazaba tariki ya 4/6/ 2016 kuri tapi rouge i Nyamirambo.

Iri rushanwa ryatangiye ku itariki ya 14 Gicurasi 2016. Bikaba biteganyijwe ko rizasozwa kuri 12 Kanama 2016 ari nabwo umuhanzi uzaba yararushije abandi kwitwara neza azahabwa igihembo nyamukuru cya miliyoni 24.

Uburyo wahamo abahanzi 10 baririmo abahirwe ubatora

Allioni: wandika 1 ukohereza kuri 4343

Bruce Melody: wandika 2 ukohereza kuri 4343

Christopher: wandika 3 ukohereza kuri 4343

Danny Nanone: wandika 4 ukohereza kuri 4343

Danny Vumbi: wandika 5 ukohereza kuri 4343

Umutare Gaby: wandika 6 ukohereza kuri 4343

Sentore : wandika 7 ukohereza kuri 4343

TBB : wandika 8 ukohereza kuri 4343

Urban Boyz: wandika 9 ukohereza kuri 4343

Young Grace : wandika 10 ukohereza kuri 4343

Joel Rutaganda

UM– USEKE.RW