Umugambi wa Saadi Kaddafi n’umuryango we wo guhungira I Mexique watahuwe

Umwe mu bahungu ba Kaddafi “Saadi Kaddafi” n’umuryango we ubu bacumbikiwe muri Niger, batahuwe bashaka guhungira mu gihugu cya Mexico, ariko inzego z’ubutasi zo muri Mexico zabakomye mu nkokora. Uyu Saasi Kaddafi azwiho ko ari umukinnyi w’umupira w’amaguru.

Nkuko byatangajwe na ministiri w’ubutegetsi bw’igihugu wa Mexico Alejandro Poiré, kuri uyu wa kabiri, ngo bavumbuye ko umuhungu wa Kaddafi “Saadi Kaddafi”, yashatse kwinjira mu gihugu cya Mexico rwihishwa.

Kuva aho imvururu zitangiriye muri Libya, ndetse zikaba zaraviriyemo Kaddafi gupfa, umuhungu we Saadi Kaddafi, yahungiye muri Niger, aho bamuhozaho ijisho. Abifashijwe mo n’itsinda rigizwe n’abanya mexico, Canada n’abanya Denmark yari yemereye akayabo k’amafaranga, bari kumufasha guhungira muri Mexico, ariko baza kumuvumbura.

Nkuko yakomeje abitangaza Alejandro Poiré ngo imigambi yose ya Saadi Kaddafi ubu ushakishwa n’igipolisi mpuzamahanga, bamaze kuyimenya, ku buryo inzego z’ubutasi zo mu gihugu cye zizakomeza gukora uko zishoboye, uyu muhungu wa Kaddafi ntazinjizwe mu gihugu cyabo.

NKUBITO Gael
UM– USEKE.COM