Anelka na Alex ntibakibarwa mu bakinnyi ba Chelsea.

Nk’ uko bitangazwa na manager w’ikipe ya Chelsea Andre Villas-Boas, yemeye ibyasabwe n’abakinnyi Anelka Nicolas akaba ari rutahizamu ukomoka mu gihugu cy’Ubufaransa, ndetse na mugenziwe Alex, myugariro ukomoka mu gihugu cya Bresil. Aba bakinnyi bombi ntibagaragaye ku mukino wahuje Chelsea na New Casstle wabaye kuri uyu wa gatandatu.

Biravugwa ko Anelka ashobora kwerekeza muri kimwe mu bihugu nk’ Ubushinwa, Uburusiya cyangwa Leta zunze ubumwe za Amerika, mu gihe myugariro Alex we agomba kwerekeza mu gihugu cy’ Ubutaliyani, muri imwe mu makipe ya MILAN AC cyangwa Juventus de Turin.

Nyuma y’ uyu mukino, Rutahizamu ukomoka mugihugu cya Cote d’ Ivoire, Didier Drogba we yatangaje ko adateganya kuva mu ikipe ya Chelsea mugihe amasezerano afitanye n’ iyi kipe atararangira. Biteganyijwe ko amasezerano Drogba afitanye na Chelsea azarangirana n’ impera z’ umwaka wa 2012.

Egide Rwema

Umuseke.com