Se wa Mpogazi, uhataniye kuba MissRwanda gatatu, aribaza impamvu adatsinda
Mpogazi Emmy ubyara Mpogazi Vanessa ntazi impamvu ategukana ikamba
Mpogazi Emmy ubyara Mpogazi Vanessa yibaza impamvu umukobwa we adatsinda kandi mu nshuro zose uko ari ebyiri zahise yarazaga mu myanya ya nyuma n’iya gatatu akaba ari muri 15 bafite amahirwe yo kwegukana iri rushanwa.
Mpogazi avuga ko atazi neza igisabwa ngo umukobwa we yegukanye irushanwa rya Nyampinga w’u Rwanda. Kuko mu nshuro zose umukobwa we aryitabiriye aza mu myanya ya nyuma.
Ibyo ngo abona ari ikimenyetso cy’uko ashoboye, ahubwo wenda hashobora kuba hari ubundi buryo umukobwa wegukana iryo kamba anyuramo bukamugeza ku ntsinzi.
Mpogazi Emmy yabwiye Umuseke ko umukobwa we yahoranye inzozi zo kuba Miss kuva akiri muto.
Yagize ati “Si uko Vanessa adashoboye, ahubwo sinzi impamvu adatsinda kandi aba yagaragaje ko afite amahirwe yo kwegukana irushanwa.
Ni gute ushobora kwitabira irushanwa inshuro eshatu zose uviramo mu myanya ya nyuma? Ni uko se ibyo uba waratsinze mu byiciro bya mbere biba byoroshye kuruta ibyo ubazwa ubutaha?
Nabanje gusa nkaho mbifata nk’ibintu bisanzwe ariko naje gusanga ahubwo hashobora kuba hari ubundi buryo bukoreshwa ngo nyampinga atorwe tutazi”.
Abajijwe niba izo nshuro zose Vanessa Mpogazi yitabiriye irushanwa adatsinda bitabaca intege nk’ababyeyi be, yavuze ko nta ntege bacika.
Ko ibyo akora byose abikora abikunze kandi badashobora kuba bahagarika inzozi ze mu gihe bazibona. Ahubwo ko bamushyigikira uko bashoboye kose.
Vanessa Mpogazi yatangiye kwiyamamaza mu mwaka wa 2014 agitangira Kaminuza. Ubu ageze mu mwaka wa gatatu muri Mount Kenya Universty.
Biteganyijwe ko iri rushanwa rizasozwa ku wa gatandatu tariki ya 27 Gashyantare 2016 Camp Kigali mu ihema. Kwinjira bikaba ari 10.000 frw ku muntu umwe naho 200.000 frw ku meza iriho abantu umunani.
Joel Rutaganda
UM– USEKE.RW
English
30 Comments
Hahahaa! Uyu mubyeyi rwose arandangije! None se nyine ko amaze gutsindwa kenshi yamugiriye inama akabireka? None se abamaze kumutsinda izo nshuro 3 zose abanenga iki yumva umukobwa we abarusha? Izo nzira bacamo yazishakishije umwana we akagera ku nzozi wumva amaranye igihe? Abantu nk’aba nibo batuma abana bagira ibibazo mu buzima niba babumvisha ko amarushanwa yose bagiyemo bagomba kuyegukana byanze bikunze kuko n’ubwo kwigirira icyizere ari ngombwa, haba hagomba n’akantu ko kwicisha bugufi ukemera ko na nyina w’undi abyara umuhungu wa mugani w’Abanyarwanda…
hhhh ati abireke rwose
namugire na mwiza kurusha abandi,arasubiza ariko isura faux,ahubwo araje arenze imyaka ntazongere kutugaruka imbere
Uyu mukobwa nimwiza pe kandi turamushigikiye
Uzatange akantu
Hahhaa! Uyu mugabo ni urwenya. None se we ubwe ubu uwamubaza koko yakwemeza ko ibintu byose yifuje mu buzima yabigezeho??
Umukobwa we ahagararira aho ubushobozi bwe bugera ariko rero niba avuga ko wenda hari n’akantu abandi bakobwa batanga uwe we abuzwa n’iki si umukobwa nk’abandi?
Hahahahhh!!
Muze uzamugire mu mwanya bagutore
Wasanga wowe uzuzuza inshingano bakagotora kdi nanjye nkwemereye ijwi!!!
Shyiramo agatege ikamba ritaducika mu muryango kbsaa!!!
alikwababyeyi bubu ye, narumiwe! ubonaniyo bivugwa na nyina basi ntibivugwe nase kwibibi birutanwa?
Ahubwo nudaceceka uratuma ubu bwo azaza mu myanya ya nyuma.
Nakugira inama yo kwicecekera kuko nutangira kuburana uramukura naho yari yibereye.
INZOZI ZIFITWE N’UMUSAZA AHUBWO.
ubu ari kumureba akabona ni igitangaza kuburyo ntawamuhiga di ababyeyi bashora abana mu ngeso mbi nkubwo ashobora kumva ko yarenganye akazanyura ahatanyurwa ngo atsinde kandi bitabaho
murakoze bavandi
gusa njye icyo navuga nuko uyu mubyeyi ari umuntu w’umugabo cyane kuba adaca umwana we intege ahubwo akamushyigikira munzozi ze kuba yiga akaba agiye kuragiza kaminuza akaba atariyandarika ngo Abe yatwara inda ikaba yamubuza gukomeza amarushanwa nibyigiciro kdi kuba ashyigikiwe nase nibyiza kurushaho kko nikerekanako umukobwa asigaye arumwana nibikiri byabindi ngo umukobwa nuwanyina mpogazi Vanessa ntucike intege haranira kuzasohoza inzozi zawe paka uzigezeho turagushyigikiye kdi na papa Wawe imana imuhe umugisha kko akwitaho nkumubyeyi
Vanessa komeza ugerageze amahirwe yawe kko ushigikiwe nababyeyi uzagira umugisha
Heheheheheee ! Hanyuma iriya misoro y’abanyarwanda yirirwa arya muri hoteli yo ntacyo ivuze ?
Shaka ibitunga umwana papa, ubu koko niba uri umugabo wabuze salaire ya 400,000 (1/2) ugenera uriya mwana w’umukobwa akareka kwirirwa yambaye ubusa ku karubanda !?
Tutarenganyije uyumubyeyi nanjye nabyibaza kko uyu miss mpogazi Vanessa subwambere mubona mumarushanwa kdi iyo asobanura nimvugo akoresha nuko atambuka ntawumurusha nubihakana urebe vidio iri kuri YouTube urebe nkejobundi batora mumugi wa kgl yari yambaye no1 ahubwo wamugani ushobora gusanga harizindi nzira binyuramo kdi arinako agera mukiciro cyanyuma naho yarumuhanga yooooo gusa Vanessa ntucike intege ngiye kugusengera kdi uzagera kure
eeeeeeeehhh; urumunyarwanda cg?zainab uziko utazi indanga gaciro nakirazira ubwo ushatse kuvuga ko banyampinga burwanda bambara ubusa ikindi niba mumisoro barya harimo iyawe ntuzongere kuyitanga ariko wubahe abari birwanda banza wige ikinyabupfura Plz
Kuva ryari kuvuga ukuri byahindutse kirazira ? None ushatse kuvuga ko aba bakobwa nta nahamwe bambara ubusa muri iyi theatre barimo ? Iyo bagiye ku rwego rw’isi se ntubona ko bakuramo byose bagasigarana udukariso ! Aurore ubushize yarabyanze, akenyera agatambaro, ariko nawe wabonye ko nta ntambwe yateye.
Naho imisoro itangwa ku itegeko, ariko uko ikoreshwa muri details nta tegeko ribisobanura. Iyaba ryabagaho, tukaritora nk’uko twatoye itegeko nshinga,njye sinatora ko hari n’ifaranga na rimwe rishyirwa muri ibi bya miss…! Kuko njye mbifata nko kudutesha agaciro !
Rwose uretse isari yasumbye ubupfura, ubundi nta mukobwa w’umunyarwanda wiyubashye ukwiye kwambara ubusa ku karubanda. Abakobwa twari dukwiye kuva muri aya manjwe, tukemera kuba ba Nyampinga, sinon tuzasigara turi ibikoresho, abadukoresha bo inyungu yageze mu mifuka. Reba nk’uyu mubyeyi ukuntu atangiye kwinyuragramo ngo, ngo,…!
mbega umubyeyi nkunze urumubyeyipe kko uharanira icyateza umwana imbere kuba ushobora kurihira umwana kaminuza ugashyigikira inzozi ze ntumuce intege ukemera ko ahatana inshuro irenze 1 nibyigiciro kumwana wumukobwa iya aba papa Bose bari bameze nkawe courage
Ahubwo uyu mugabo ahise yica amahirwe yose yuyumwana we iyo yicecekera.Niba amaze imyaka itatu atsindwa nukuvugako ntakindi yishoboreye usibye kuza muba miss ubu nabwo azatsindwa rero.Uyu mubyeyi aramuvangiye rwose.
uyu mukobwa ni MWIZA KABISA
Sharifa arabaruta bose.
Uyu mwaka Mpogazi arabahiga pee ureke turiya twana tukirangiza secondary njye mbona nta nicyo twamarira abantu uretse ko babaha biriya bintu byoc imodoka,umushahara bikabacanga bakananirwa gukora inshingano zabo.ark Vanessa we ni mukuru bihagije yamenya icyo gukora gsa ndabona se atangiye kumwicira yego aramushyigikiye ark niyicecekere kbsa.
Amaso akunda areba kimwe nk’ amaso y’umubyeyi.
hahaaaaha arko se tuvugishije ukuri kko ubwo ibyo uwo mubyeyi avuze murumva ari ukuri OK ntago twamubuza gushyigikira umwana we pe arko nareke kwitwaza NGO hari akantu bakoresha ubuse abatsindwa Bose batari Vanessa bivuzeko Bose abarusha ubwiza kdi ndacyeka ko Atari we wenyine umazemo iyo myaka ahubwo aho kuvuga NGO hari ikindi bagenderaho ibyo ntago aribyo ahubwo mubwire akoreshe imbaraga nyinshi azabatsinde kko niwiha kuvuga ibyo uzatuma ajya gushakira inzira aho zitari pls wikishyiramo ibyo pe kdi nkumubyeyi ntago wakagimbye kuvuga gutyo kko nawe usubije amaso inyuma ukibuka wasanga hari ibyo wagerageje inshuro zirenga izo kdi ntubigereho.
Haaaaaahahaha ! Mpogazi se, niwowe Se wa Bijinya ?
Uyu mu papa ndamwemeye. Ni byiza rwose.Ni fiere y’umwana we. Jye rwose ngiye kumutorera icyo. Ariko natsindwa yemere kandi umwaka utaha
Ntazagaruke mu marushanwa.
Hahahah, ubworero ugiye gushoritiku kwabandi batsindaruko haribyo batanze umukobwa wawe akabazirako we arumukobwa wumutima atabyoyakwitangira , I mwagiye mugabanya ishyari nitiku koko
Amarushanwa ni amarushanwa, gutsinda ibyiciro bya mbere ntibiba bivuga ko byanze bikunze n’ibyiciro bikurikira uzabitsinda kuko uba uhatana n’abandi kandi nabo baba bakaniye.
Muzehe rero, ni ubutwari kwemera ko gutsindwa bibaho, ndetse gukomeza guhatiriza ngo ni uko ari inzozi ze bishobora kuzamuviramo guhorana ipfunwe (frustration). Niba akunda kwerekana ubwiza bwe hari izindi nzira zashoboka nko kwerekana imideli, kwamamaza, TV presenter, n’ibindi. Numva wamufasha muri izo nzira.
Niko adashoboye.Icyo kibazo giterwa nábatoresha;ni gute umuntu apiganwa inshuro ebyiri? utsinzwe bajye bamubuza kongera kwiyamamaza
umva Vanessa arashoboye ikamba ararikwiye
Comments are closed.