Clesse yirukanywe muri Touch Records, Jay Polly ariyirukana

Clesse Jean Marc wahoze ari umuvugizi w’inzu itunganya ibihangano by’abahanzi nyarwanda izwi nka ‘Touch Records’, nyuma yaho yirukaniwe muri iyo nzu na Jay Polly yagiye umuti wa mperezayo.

Uyu musore mbere yuko yirukanwa, byagiye bivugwa kenshi ko ariwe wagiye aba nyirabayazana ku gusezera kw’abahanzi bamwe bagiye baca muri iyo nzu.

Ahanini ngo bigaterwa n’agasuzuguro yagendaga abashyiraho kandi bahuzwa n’akazi nta kindi cyagatumye basuzugurwa.

Kuva aho ubuyobozi bufatiye ingamba zo kwirukana Clesse, Jay Polly wari inshuti ye magara nawe yahise agenda kuva uwo munsi ntabwo yongeye kugaruka kuri iyo nzu.

Amakuru agera ku Umuseke ava muri bamwe mu bakozi b’iyo nzu, avuga ko Jay Polly yari afitemo n’indirimbo ariko atari yagaruka kumva neza aho igeze itunganywa.

Andi makuru avugwa muri iyo nzu, ni uko na Producer Fazzo wari umaze iminsi ahawe akazi ko gutunganya ibihangano muri iyo nzu ashobora kuba yamaze kuyisohokamo.

Joel Rutaganda

UM– USEKE.RW