Miss Neema yakoreye ubukwe muri Amerika

Umwali Neema Larissa wabaye Miss KIE mu mwaka wa 2012 akaza no kwitabira irushanwa rya Miss Supranational muri 2014 mu gihugu cya Pologne, yakoze ubukwe mu ibanga bubera muri Leta Zunze Ubumwe z’Amerika.

Miss Neema yari amaze iminsi myinshi muri Leta Zunze Ubumwe z’Amerika aho yanakoreye ubukwe n’umusore witwa Ngabo bari bamaze iminsi bari mu rukundo utuyeyo.

Ku wa gatandatu tariki ya 19 Ukuboza 2015 nibwo bakoze ubukwe gusa bigirwa ibanga rikomeye ku mpande zombi n’ubwo hari amafoto yagiye ashyirwa ku mbuga nkoranyambaga n’inshuti zabo zabutashye.

Ubukwe bwa Miss Umwali Neema na Ngabo bwabereye muri Leta ya Texas muri Amerika. Gusa ngo bakaba basezeranye imbere y’Imana naho gusaba no gukwa bikazabera mu Rwanda aho bizakorwa n’ababyeyi babo batabashije kujya muri uwo muhango wundi.

Ubwo yitabiraga irushanwa rya Miss Supranational muri 2014, Neema ntiyashoboye kuryeguka dore ko yari ari mu bakobwa basaga 80 bose bari bafite amahirwe.

Joel Rutaganda

UM– USEKE.RW