Comedy Knight urubyiruko rwihangiye umurimo wo gusetsa bagamije kwigisha no kwiteza imbere

Nkuko urubyiruko rw’u Rwanda ruhora rukangurirwa kwihangira imirimo ibyara inyungu, Comedy knight itsinda ry’urubyiruko ryiyemeje gusetsa abantu kandi runatangiramo inyigisho zitandukanye.

Iri tsinda ryatangiye mu kwezi kwa Nzeri 2010 ritangizwa n’abasore batatu ariko ubu imaze kugira abanyaryamuryango icyenda (9) aribo Michael, Marium, Alyce, Herve, Arthur, Jerome, Babu, Bob, George, Nice ndetse na Gracia.

Abageze mu bindi bihugu bavuga ko mu Rwanda nta myidahaduro ihagije ihari aho nyuma y’akazi kenshi haba hakenewe kuruhura ubwonko, noneho bikaba akarusho iyo uruhutse useka, dore ko n’abahanga mu mibereho ya muntu bavuga ko guseka byongera uburambe bwo kubaho.

Iri tsinda rya Comedy Knight ryo rero ngo ryaje kuba igisubizo ku bantu bifuzaga kuruhuka baseka ariko rero akarusho nuko ibyo bakina basetsa abantu biba birimo n’inyigisho zitandukanye, zirimo nk’umuco wo kubana neza, guca ingeso mbi zibangamira abantu rimwe na rimwe kubera umuco nyarwanda abantu bariyumanganya bakagira ibyo barenza ho ariko bashirira imbere. Uru rubyiruko rubinyujije mu mikimo isekeje batanga ubutumwa butandukanye kandi mu ndimi zirenze 5.

Aba basore n’inkumi bakora umunsi umwe mu kwezi bagakorera mu nzu mberabyombi ISHYO ARTS CENTRE, ariko nyuma yo kubona abakunzi benshi barimo guteganya kujya bakina buri cyumweru. Ubu abaterankunga batandukanye barimo Positive Production ibaha ibyuma birangurura amajwi ndetse ikanabatunganyiriza amajwi n’amashusho n’ibitangazamakuru bibafasha kubamenyekanisha harimo n’ UM– USEKE.COM.

Irebere nk’iyi.

UM– USEKE.COM