Ese Jessica Igihozo indwara yari arwaye iteye ite?

Iyo usomye ibyatangajwe mu itangazamakuru ndetse n’ibivugwa nyuma yuko Jessica yataba Imana usanga abantu badasobanukirwa indwara Jessica yararwaye uko iteye, iyo ariyo neza, ingaruka zayo, ubuvuzi se bwayikoraho iki? n’ibindi byinshi wasangaga byibazwa, umunyamakuru w’UM– USEKE.com yagerageje kubikorera ubushakashatsi ndetse yegera abaganga. 

Ubundi Jessica yararwaye uburwayi bita Kartagener’s syndrome.

Syndrome ni ijambo risobanura uruhurirane rw’ibimenyetso byigaragagaza(symptoms) ndetse n’ibindi muganga avumbura akoresheje ubuhanga bwa kiganga(signs). Ubwo bivuze ko kartagener’s syndrome nayo ari urwo ruhurirane; yo ikaba igizwe nibi:

• Chronic rhinitis(ibicurane bidakira)
• Chronic sinusitis(sinizite zidakira)
• Chronic bronchitis(bronshite zidakira)
• Olfactory impairment(ibibazo byo kutumva)
• Infertility(ubugumba)

Kartagener’s syndrome rero ni indwara ifata imyanya y’ inzira z’ubuhumekero ku buryo bita chronicity (ni ukuvuga budakira). Burangwa nuko utwoya bita “cilia “ tudakora, ni indwara y’uruhererekane rw’imiryango ariko idakunda kugaragara(rare genetic disease). Ubushakashatsi bwakozwe kandi bwerekana ko 50% yabafite iyo ndwara inyama zabo zibusanya imyanya zakagiyemo bita situs inversus mu cyongereza, (urugero nk’umutima ukajya iburyo, umwijima ukajya ibumoso,…)

Utwo twoya twitwa “cilia” se tumaze iki?

Cilia ni utwoya duto tuba mu nzira z’ubuhumekero, inzira z’intanga(fallopian tube) n’ahandi. Mu gihe nk’urugero inzira z’ubuhumekero zarwaye zivubura ikitwa mucus kiza nyuma yuko umubiri urwana na mikorobe yinjiye, hanyuma izo mucus zikora n’igikororwa tubona kuko ziba ziri muri iyo nzira twa twoya nitwo dufasha mu kuyikura muri izo nzira zigasohoka hanze; kubera ko abantu bafite kartagener’sm syndrome utwo twoya tudakora, za mucus ziguma muri izo nzira zikadendera ahongaho hanyuma na za mikorobe zikazihasanga nyuma nibwo umuntu agira bronshite ndetse ni ndi ndwara ikomeye yitwa bronchiectasi e(reba ibisobanuro byayo hasi) .

Ingaruka ziyo ndwara ni izihe ?

• Bronchiectasies (inzira zijyana cyangwa zikavana umwuka mu bihaha ziraziba hanyuma zikazahara (become infected) bigatuma umubyimba w’izo nzira waguka kurushaho nabyo bituma imvubura zitwa mucus ziyongera muri iyo nzira bitera nabyo hanyuma umusonga ndetse no guha rugari izi ndi mikorobe kuzahaza nyirayo.
• Ibibazo mu guhumeka
• Gukorora no gusemeka (wheezing)

Ese bishoboka ko iyi ndwara yavurwa?

Kuyivura bisaba kuvura ibimenyetso bigaragaye kuko byose twavuze haruguru ntibizira rimwe ndetse ukayibuza no gukomeza izahaza umurwayi. Uko kuvura gukoresha uburyo 2 aribwo ubukoresha imiti (medical care) ndetse no kubagwa (surgical care).

Tubibutse ko Jessica yashyinguwe k’umunsi w’ejo kuwa 11/11/2011 ku irimbi rya Rusororo aho yaherekejwe n’imbaga y’abantu, ndetse bakaba barasomewe umuvugo ndetse n’inyandiko ze yandikaga ubwo yararwaye, ibi byose byagaragaje ubuhanga uyu mwana yarafite.

Turangije twifuriza Jessica Igihozo kwakirwa n’Imana, tunafata mu mugongo umuryango we n’inshuti by’umwihariko umubyeyi we.

Corneille k. Ntihabose
UM– USEKE.COM

Soma indi nkuru bijyanye >>