Miss Sandra Teta yarekuwe

Mu gitondo cyo kuri uyu wa kabiri tariki ya 10 Ugushyingo 2015  Miss Sandra Teta yarekuwe nyuma yokuburana ifungwa n’ifungurwa by’agateganyo. Yabwiye Umuseke ko ari ibyishimo kuba ubu ari hanze.

Sandra Teta ukurikiranyweho gutanga cheque zitazigamiye, ubu azajya yitaba ubutabera ari hanze aho kuba afunzwe.

Uyu munyamideri yabwiye Umuseke ko nyuma yo kuburana ifunga n’ifungurwa ry’agateganyo ubutabera bwafashe umwanzuro ko yakurikiranwa ari hanze akajya yitaba ubutabera igihe bumukeneye.

Uyu mukobwa yari afunze kuva kuwa kabiri w’icyumweru gishize. Yari afungiye kuri station ya Police ya Muhima.

Miss Sandra Teta ati “Uko byagenda kose iki kibazo ndimo kizakemuka. Nzajya nkomeza kwitaba ubutabera kugeza igihe iki kibazo gikemukiye”.

Sandra Teta akora ubushabitsi mu gutegura ibitaramo abicishije muri kompanyi yashinze yise kompanyi y’ubucuruzi yashinze yitwa Luminous Event, mu gutegura ibitaramo ababitegura bakaba bifashisha amafaranga kenshi y’inguzanyo bizeza kwishyura abanyemari bayabaha nyuma y’unyungu baba bizeye mu bitaramo bateguye.

Sandra Teta yamenyakanye cyane mu marushanwa ya Miss Rwanda 2012 ndetse no muri Miss SFB (CEB ubu). Nyuma ya menyakanye mu gutegura ibitaramo byitwa Red Avenue, mu rukundo rwe n’umwe mu bahanzi bagize itsinda rya Active ndetse no muri ibi bibazo bya sheki zitazigamiye ashinjwa gutanga.

Joel RUTAGANDA
UM– USEKE.RW