“Gukorera indirimbo Pallaso ni ugukura mu kazi”- Pacento

Akimana Patient umuhanzi akaba n’umwe mu batunganya ibihangano by’abahanzi (Producer) uzwi nka Pacento ukorera mu nzu yitwa CB record, nyuma yo gukorera indirimbo umuhanzi Pallaso wo muri Uganda avuga ko aribwo akibona ko inzozi ze arimo kugenda azigeraho.

Palloso umuvandimwe wa Chameleon na Weasel umaze kumenyekana cyane mu Karere ubwo yazaga mu Rwanda mu minsi ishize, yagannye Pacento amukorera indirimbo.

Mu kiganiro na Umuseke, Pacento yatangaje ko umushinga wo gukorera Pallaso indirimbo wari umaze igihe uganirwaho u mpande zombi. Ahubwo ko ari umwanya uteri waabonetse.

Yagize ati “Kuri njye n’umugisha kuko ni intera ndigutera kuko ubu nta kiri producer w’abanyarwanda gusa. Ni intangiriro ryo gukora nk’umuntu uri professional mu kazi.

Ubu mbibona nko gukura mukazi ndabyishimira cyane. Turimo gukora indirimbo yansabyeko twazakomeza gukorana kuko yakunze uburyo nkoramo injyana ‘Beat’”.

Akomeza avuga ko bishobora no uba inzira yo kumenyekanisha imikorere y’abahanzi nyarwanda mu bindi bihugu bimaze gutera imbere muri muzika.

Pacento yagiye akora indirimbo zitandukanye zagiye zikundwa harimo ‘Nyabarongo’ ya Amag Bhe Black,’Till i die’ ya Urban boyz,’Nyamijosi’ ya Fireman n’izindi.

[youtube url=”https://www.youtube.com/watch?v=L-s9F8IIHCA” width=”560″ height=”315″]

Iras Jalas

UM– USEKE.RW