Ubushinwa: Umuriro watwitse icyambu uhitana abantu 44 barimo abatabazi 12

Kuri uyu wa gatatu mu Bushinwa ku cyambu cya Tianjin mu bilometero hafi 90 ivuye mu murwa mukuru Beijing haturikiye ikintu tutaramenya icyo aricyo  gihitana abantu 44 hakomereka 500 gitwika n’imodoka nyinshi zari hafi aho.

Kubera ubukana cyaturikanye ndetse n’ivumbi, umuriro ndetse n’ibyuma bya ziriya modoka, abaturage batuye hafi aho basohotse mu ngo zabo bariruka baziko ari ikirunga kirutse.

Daily mail yanditse ko ibyabaye byari bikabije k’uburyo n’umuntu uri mu kirere mu ndege yabashaga kubibona.

Icyambu cya Tianjin ni kimwe mu byambu binini ku Isi bibikwaho imodoka nyinshi mbere y’uko zoherezwa mu bihugu byazitumije.

UM– USEKE.RW