Ubugereki: Inkongi yibasiye umurwa mukuru Athens

Jean Pierre Nizeyimana
07/18/2015

Polici irimo iragerageza kuwuzimwa

Uretse ubukugu bwifashe na bi mu Bugereki, ubu mu murwa mukuru hadutse inkongi y’umuriro yibasiye agace kitwa Kareas mu Burasirazuba bw’umurwa mukuru Athens. Abagabo babiri b’abavumvu(borora inzuki) bafashwe bakekwa kuba nyirabayazana w’iyi nkongi.

Umunyamakuru wa The Reuters witwa Alkis Konsitantinidis yafashe amafoto yerekana ukuntu abaturage bari guhangana no kuzimya uyu muriro wateje akaga kenshi kubera ubukana bwawo.

Hari indege ziri kuzenguruka mu mujyi wa Athens zizimya umuriro.

Minisitiri w’intebe Alexis Tsipras yavuze ko ubu bari gukora ibishoboka byose ngo bazimye uriya muriro nubwo bwose ngo bigoye cyane cyane ko ngo ubu kiriya gihugu kishyushye cyane kubera izuba, ubu nabo bari mu mpeshyi nk’uko tumeze hano mu Rwanda.

Imiyaga iva mu majyaruguru y’uburengerazuba iri gutuma uyu muriro ukomeza gukwirakwira.

Uyu muriro watangiriye ahitwa Koropi, hafi ya Athens no mu gace ko mu kirwa cya Evia.

Muri 2007 inkongi yahitanye abantu 60 mu gace ko mu majyepfo isenya n’amazu menshi.

Tubibutse ko ubu Ubugereki bufitiye ibihugu by’Uburayi umwenda ungana na miliyari ijana z’amafaranga akoreshwa mu Burayi yitwa Euro.

Mu cyumweru turi kurangiza Inteko ishinga amategeko y’Ubugereki yemeje umushinga wa Minisitiri w’intebe wo kwizirika umukanda kugira ngo babashe guhangana n’ubukungu butifashe neza.

Kugeza ubu nta mibare y’abantu bahitanywe n’umuriro iratangazwa.

Abaturage na Athens barakora iyo bwabaga ngo bazimye iriya nkongi

Indege ziri gufasha mu kuzimya iyi nkongi

Kuba wifitiye ibibazo by'ubukungu hakiyongeraho inkongi y'umuriro ni akaga gakomeye — Kuba wifitiye ibibazo by’ubukungu hakiyongeraho inkongi y’umuriro ni akaga gakomeye

Iy nkongi yatangiriye mu gace ko mu Burasirazuba bwa Athens

Umusirikare agerageza gusenya iyi nkingi yari itangiye gufatwa n'umuriro — Umusirikare agerageza gusenya iyi nkingi yari itangiye gufatwa n’umuriro

UM– USEKE.RW

9 Comments

jp says:
07/19/2015 at 04:27

Mana tabara abagereki

Aline says:
07/19/2015 at 06:38

none ubwo umugani ubaye impamo se? ngo ”aho umutiindi yanitse ntiriva?” Imana ibafashe tu

emma says:
07/19/2015 at 08:16

Nibafukame basengimana. YESU NINYISHU

Ismael Karongi says:
07/19/2015 at 10:01

Nabazungu bagira ibibazo ko njya numva batwiha ngo ntacyo dushobo kugeza nubwo bahimba ya ndirimbo ivuga ngo Jyana umucyo muri Africa.

john says:
07/19/2015 at 10:07

Ngo nyirurutwe runini ntacikwa nimijugujugu koko!

Ismael Karongi says:
07/19/2015 at 10:16

Nabazungu bagira ibibazo ko njya numva batwiha ngo ntacyo dushoboye kugeza nubwo bahimba ya ndirimbo ivuga ngo Jyana umucyo muri Africa nkaho ntawuhaba.