Intambara y’amasasu yararangiye – Perezida Kagame

CHIEF EDITOR
07/04/2015

Mu ijambo ry’umunsi wo kwibohora Perezida Kagame yagejeje ku banyarwanda no ku batuye Umurenge wa Rubaya mu karere ka Gicumbi by’ubwihariko, yavuze ko intambara y’amasasru yarangiye ariko intambara yo kwihesha agaciro no kubaka igihugu igikomeje.

Uriya ni umukecuru wo muri Ugannda wafashije ingabo zahoze ari iza RPA aho bakoreshaga inzu ye mu bikorwa bitandukanye, aha Perezida Paul Kagame yabimushimiye

Aha muri aka gace niho ingabo za APR zamaze igihe ziba mu gihe cy’urugamba rwo kubohora u Rwanda no guhagarika Jenoside.

Perezida Kagame yavuze amagambo yo gushimira abaturage b’aha uruhare bagize mu rugamba rwo kwibohora.

Ati “hafi aha twahabaye igihe kitari gito, muraturinda, muratugaburira, mudufasha kurwana urugamba, ntabwo twabitura bihagije, icyo twakora cyose ntabwo cyaba gihagije ugereranyije n’ukuntu abantu bitanze hano turi.”

Perezida Kagame yavuze amagambo akomeye y’uko kwibohora byaharaniwe, hari benshi babiburiyemo ubuzima abandi babikomerekeramo, bityo ko nta muntu ukwiye kuva ahandi ngo yigishe Abanyarwanda icyo bivuze.

Ati “Nta muntu uwariwe wese ushobora kudukunda kurusha uko twikunda. Abantu baradufasha… bakadutera inkunga…turashima, tugira inshuti…turabana ariko ibyo ntawe byambura agaciro ke, kwibohora kwa mbere n’ukwibohora agasuzuguro.

Ntabwo dukeneye utumurikira ngo atwereke inzira tunyuramo yo kwiha agaciro…turayizi, tuzayishakira, twarabiharaniye, twarabipfiriye, nta numwe ufite uburenganzira bwo kutuzanaho agasuzuguro, nta numwe mukwiye guha amatwi akazana agasuzuguro hano, u Rwanda ntabwo ari umurima watijwe abandi ngo bawuhingemo, ntabwo ari uko bimeze.”

Perezida Kagame yavuze ko ubu u Rwanda ruharanira kurwanya iterabwoba, akarengane, ruswa no guhora abanyarwanda bacyurirwa n’amahanga.

Mu kwizihiza imyaka 21 ishize u Rwanda rwibohoye ingabo z’igihugu zifatanyije n’izindi nzego zateguye ibikorwa bitandukanye birimo kubaka ivuriro rya Gishambashayo aha muri Rubaya, amashuri atandatu abanza nayo yubatswe i Gishambashayo, isoko rya kijyambere rya Rubaya, kugeza amazi n’amashanyarazi ku ishuri rya Gishambashayo no ku kigo Nderabuzima cya Rubaya; hasanwe kandi umuhanda Gatuna-Rubaya ufite ibilometero 11 ndetse hakorwa n’ibikorwa by’ubuvuzi ku buntu.

Abana b'abanyeshuri baje muri uyu munsi mukuru wo kwibohora mu Rubaya — Abana b’abanyeshuri baje muri uyu munsi mukuru wo kwibohora mu Rubaya

Abaturage b'ingeri zitandukanye b'aha Rubaya baje ari benshi — Abaturage b’ingeri zitandukanye b’aha Rubaya baje ari benshi

Aba babyeyi barabyina indirimbo zo kwibohora mu gihe bategereje umushyitsi mukuru

Bamwe mu bakobwa bagaragaje ko bazi kuvuza ingoma nka basaza babo

Minisitiri w'ingabo Gen James Kabarebe araganira n'umuvugizi w'ingabo Brig Gen Joseph Nzabamwita — Minisitiri w’ingabo Gen James Kabarebe araganira n’umuvugizi w’ingabo Brig Gen Joseph Nzabamwita

Gen Maj Mubaraka Muganga aganira n'umwe mu bitabiriye uyu munsi — Gen Maj Mubaraka Muganga aganira n’umwe mu bitabiriye uyu munsi

Bamwe mu basirikare bakuru baganira mbere gato y'uko umushyitsi mukuru ahagera — Bamwe mu basirikare bakuru baganira mbere gato y’uko umushyitsi mukuru ahagera

Brig Gen Emmanuel Ruvusha na Col (Rtd) Twahirwa Ludovic (Dodo)

Gen Paul Rwarakabije uyobora urwego rw'amagereza yari ahari — Gen Paul Rwarakabije uyobora urwego rw’amagereza yari ahari

Min w'intebe Murekezi Anastase aganira na Francis Kaboneka na Francois Ngarambe wo muri FPR — Min w’intebe Murekezi Anastase aganira na Francis Kaboneka na Francois Ngarambe umunyamabanga mukuru wa FPR

Senateri TiTo Rutaremara nawe yari yabyitabiriye — Senateri TiTo Rutaremara yari mu bayobozi bari aha

Perezida Kagame ahageze aramutsa abaturage b'aha mu Rubaya — Perezida Kagame ahageze aramutsa abaturage b’aha mu Rubaya

Aha araramukanya na bamwe mu bayobozi ba Kiliziya

Perezida Kagame yabwiye abaturage ko urugamba rw'amasasu rwarangiye ubu bakwiye kurwana urwo kwiha agaciro no kwanga agasuzuguro — Perezida Kagame yabwiye abaturage ko urugamba rw’amasasu rwarangiye ubu bakwiye kurwana urwo kwiha agaciro no kwanga agasuzuguro

Senderi n'abandi basirikare bashyushya ibirori — Senderi n’abandi basirikare bashyushya ibirori

Photos/D S Rubangura/UM– USEKE

Daddy SADIKI RUBANGURA
UM– USEKE.RW

9 Comments

Kinama says:
07/04/2015 at 22:22

Nonese ntabazongera kuraswa kumanywa yihangu? ntabwo tuzongera kwambuka umupaka gushaka FDLR se?

Tuza says:
07/04/2015 at 23:34

Ntibisanzwe kuba noneho umunsi wo kwibohoza urangiye usa nindi minsi yose! I mean nta karasisi kingabo, ntabatumirwa bimena, nintore izirusha intambwe yigiriye I gicumbi aho kujya kuri state amahoro!
Ese byaba buatewe nikibazo cyubukungu cyangwa nuko bamwe mubabohoje u Rwanda ubu baboshye nabandi bashakishwa ?

papy says:
07/05/2015 at 04:22

Love this country proud of you guys! Urugamba rwamasasu rwararangiye urwamagambo niruto cyane jyenda Rwanda urinziza.

Mubaraka says:
07/05/2015 at 04:40

Senderi akomeje atya yazisanga kuri Hit arenze kure abandi bahanzi bagenzi be !!

Izi ndirimbo ze zigera kuri bose nkaha byigaragaza yuko abaturage bo hasi baba bamubonye mu birori nkibi barushaho ku mwibonamo !!!

Malo says:
07/05/2015 at 10:10

@Tuza: Hahaha! Kwizihiriza umunsi wo kwibohora ahabaye icyicaro cy’Inkotanyi, ahapangiwe gutsindwa kw’abicanyi bene wanyu byakuriye bigeze aho se ?!

Kabarira says:
07/05/2015 at 10:21

Kinama, niba nibuka neza, President Kagame ejo ntaho yavuze ko FDLR n’abayishyigikiye nkawe muzaza kwica abanyarwanda ngo abareke! Nimuza murwana tuzabarasa cyane ahubwo!

Lucie says:
07/05/2015 at 17:35

ni koko intambara y’amasasu yararangiye ariko kandi hari indi yo kubaka igihugu cyacu turwana n’abashaka kugisubiza inyuma ibyo kandi tuzabigeraho kuko n’ibindi twabirenze

UZAWUVUNA says:
07/06/2015 at 19:56

PEACE BE UPON YOU ALL BENE KANYARWANDA, INTAMBARA TUGOMBA KU RWANA NIYO GUTEZA URWANDA IMBERE NATWE KUGIT CYACU BWITE. GOD BLESS RWANDA.

- says:
07/07/2015 at 12:15

Gen Maj Mubaraka Muganga aganira n’umwe mu bitabiriye uyu munsi
Uyu mugabo bari kumwe koko ntabwo mumuzi nk’abanyamakuru? Quand meme!

Comments are closed.

Share this:

9 Comments