Mu gitaramo cya Chameleon hazatangwa imodoka

Umuhanzi ukomoka mu gihugu cya Uganda witwa Joseph Mayanja wamenyekanye ku izina rya Dr Jose Chameleon, mu bitaramo ateganya gukorera mu Rwanda hazatangwa imodoka mu muntu uzaba yaguze i ticket yo kwinjira nyuma ya tombora izabanza kuba.

Imodoka iri mu bwoko bwa Hyundai niyo izatangwa mu bitaramo bigera kuri bibiri Chameleon agiye kuza gukorera mu Rwanda.

Mu gitaramo kiswe Royal Concert, icya mbere kizabera muri Serena Hotel ku wa 26 Kanama 2015 aho kwinjira bizaba ari 10.000 frw ku muntu umwe. Nyuma y’icyo gitaramo biteganyijwe ko muri Expo Ground hazabera ikindi tariki ya 27 Kamena 2015.

Mu kiganiro na Robert Mbaraga ushinze imitegurire y’ibyo bitaramo, yatangarije Umuseko ko buri munyarwanda wese afite amahirwe yo kuba yakwegukana iyo modoka.

Yagize ati “Akenshi iyo hateguwe tombora imeze ityo, usanga abantu bavuga ko icyo gihembo gifite umuntu cyagenewe runaka.

Kuri twe rero siko bimeze. Ahubwo buri munyarwanda wese uzashobora kuba yagura i ticket yo kwitabira ibyo bitaramo uko ari bibiri bose bafite amahirwe angana”.

Biteganyijwe ko Dr Jose Chameleon azagera mu Rwanda kuri uyu wa kane tariki ya 25 Kamena 2015 ari nabwo azatangira kwitegura ibyo bitaramo.

Joel Rutaganda

UM– USEKE.RW