Bahawe inama zo kubaka u Rwanda rushya bashingiye ku ukubabarira

Iyi nama yabaye kuri uyu wa Gatanu, yarabereye muri imwe mu nzu mberabyombi bya Solace Ministries, yasize abantu 240 bari bayitabiriye babonye inama zizabafasha kumenya icyakorwa ngo abanyarwanda bose hamwe biyubakire igihugu.

Iki kiganiro cyateguwe n’Ikigo cyitwa The Mustard Seed Institute kikaba cyari gifite insanganyamatsiko igira iti: “Gufasha abantu kwiyunga binyuze mu gusana imitima no kubabarirana.”

Abitabiriye iyi nama bakozwe ku mutima n’ubuhamya bahawe n’abanyarwanda bane bagize uruhare mu gusana imitima ya bagenzi babo ndetse no kwiyubaka.

Umwe muri bo ni uwungirije Komisiyo y’igihugu y’ubumwe n’ubwiyunge  Johnson Mugaga wari kumwe na Dominique Savio Kayitana ukora akazi k’ubunyamabanga bukuru mu ishyirahamwe ry’abakorera bushake baharanira amahoro, Association des Volontaires pour la Paix (AVP).

Abavuze bose bagarutse ku kamaro ka  politike ya Leta y’ubumwe n’ubwiyunge, no ku kamaro imiryango bahagarariye yagize mu kunga abanyarwanda  by’umwihariko.

Kayitana yagarutse ku kamaro ko guhuriza hamwe abarokotse n’abafitanye isano n’abakoze Jenoside bakaganira kubyabaye  bityo bakabona uburyo bwo kwiyunga, bagasangira kandi bagasabana.

Kubera ibi biganiro, impande zombi zurumvikana kandi zikabana amahoro nk’uko yabisobanuye.

Yasabye ababyeyi kujya bigisha abana amahoro n’ibitekerezo byubaka bizatuma umubano mwiza usagamba mu Banyarwanda b’ejo hazaza.

Johnson Mugaga  yatsindagirije akamaro  k’inyigisho u Rwanda ruha amahanga mu bijyanye no kwiyunga ibi zigira kuko ngo bigatuma nayo amenya uko yahangana n’ibibazo ahura nayo.

Undi watanze ikiganiro ni  Lambert Bariho wo muri  Ellel Ministries na Mama Lambert.

Lambert yavuze uko yababajwe no kubona uko  benewabo bagize uruhare muri Jenoside. Gusa ngo kuba baramenye ibyaha bagasaba imbabazi, byatumye nawe agira amahoro yo mu mutima.

Ubu nawe agira uruhare  mu gutuma abandi bakira ibikomere nk’ibyo yari afite kera. Mama Lambert we yabwiye abari aho uko yabashije kubarira abagize uruhare mu kumwicira abavandimwe.

Yemeza ko gukorana na  Solace Ministries nabyo byamubereye imbarutso yo gukira no gukiza abandi.

The Mustard Seed Institute ni Ikigo gikoresha amahugurwa n’ibiganiro bivuga  ko ngingo zitandukanye zirebana n’ubuzima bw’Abanyarwanda.

Kwinjira muri biganiro kiba cyateguye ni ubuntu kandi buri wese yemerewe kubijyamo.

Intego nkuru y’ibi biganiro ni ugufasha Abanyarwanda kwishakamo ibisubizo bituma babasha kubana amahoro.

UM– USEE.RW