Mc Phil Peter Family, yasuye urwibutso rukuru ku Gisozi

Joel Rutaganda
04/10/2015

Mc Phil Peter Family ku rwibutso rukuru ku Gisozi

Mu gihe u Rwanda rwibuka Jenoside yakorewe Abatutsi mu 1994 ku nshuro ya 21,ihuriro ry’urubyiruko rwishyize hamwe ruyobowe n’umunyamakuru Nizeyimana Phil uzwi nka Phil Peter, rwasuye urwibutso rukuru ruri ku Gisozi.

Ku gicamunsi cyo kuri uyu wa kane nibwo Phil Peter n’umuryango munini ahagarariye, bakoze urugendo kuva mu Mujyi rwagati bagana ku Gisozi mu rugendo bise ‘Walk to remember’.

Uyu muryango ugizwe n’abantu barenga 60 wongeyeho bamwe mu banyamakuru,abayobozi ba Bralirwa,ubuyobozi bwa Touch Recordz n’abandi batandukanye, bakoze uru rugendo guhera saa 12h20’ bahagurukiye ahitwa kwa Venant (Chez Venant).

Bakigera ku rwibutso basobanuriwe amwe mu mateka yaranze u Rwanda hambere ndetse n’uburyo Jenoside yakorewe Abatutsi yakozwe mu 1994. banerekwa aho imibiri y’inzirakarengane ishyinguwe.

Mu kiganiro na Umuseke Phil Peter wari uhagarariye iki gikorwa, yashimiye cyane abaje kwitabira urwo rugendo barimo, Abanyamakuru, abakozi ba Bralirwa ndetse n’abana babarizwa muri Phil Peter Family, anasaba urubyiruko rw’u Rwanda aho ruri hose ko rukwiye guharanira ko ibyo u Rwanda rwanyuzemo mu 1994 bidakwiye kuzongera kubaho ukundi.

Batangira urugendo bari bacungiwe umutekano wo mu muhanda na polisi

Mc Phil Peter Family igizwe n'urubyiruko rugera kuri 60 — Mc Phil Peter Family igizwe n’urubyiruko rugera kuri 60

Mc Phil Peter wari uhagarariye urwo rubyiruko ashyira indabo ahashyinguye imibiri

Uru rubyiruko rwari ruteze amatwi rubwirwa amwe mu mateka y'u Rwanda mu gihe cya Jenoside yakorewe Abatutsi mu 1994 — Uru rubyiruko rwari ruteze amatwi rubwirwa amwe mu mateka y’u Rwanda mu gihe cya Jenoside yakorewe Abatutsi mu 1994

Iras Jalas

UM– USEKE.RW

8 Comments

keza says:
04/10/2015 at 07:47

nice ndabikunze thanks umuseke

junior says:
04/10/2015 at 08:11

ndabikunze nanjye phil kura ujya ejuru
jalas nawe wakoze kwitabira iki gikorwa

Rwanyabugigira says:
04/10/2015 at 14:18

Iri zina nibwo naryumva, icyakora igikorwa cyo ndumva ari cyiza. Twizeye ko atabikoze mu rwego rwa publicite yo kwiyubakira izina. Byaba ari ukudaha icyubahiro inzirakarengane. Amahirwe masa mu bikorwa bye.
- ndumiwe_gusa says:
  04/11/2015 at 12:39
  
  reba ukuntu ajya gushyira indabo ku mva yirebera muri camera .. c de l’hypocrisie et c est tres malsaint

Hope says:
04/10/2015 at 17:13

Ariko se ko mbona Peter ameze nkuwifotoza ra? Plz uyu summwanya wo gukina no keigaragaza. Niba ujyiye muriki gikorwa gishyireho umutima wawe wose, ndabwira Mc Peter nabameze nkawe. Thx

Hope says:
04/10/2015 at 17:19

Ariko se ko mbona Peter ameze nkuwifotoza ra? Plz uyu summwanya wo gukina no kwigaragaza. Niba ujyiye muriki gikorwa gishyireho umutima wawe wose, ndabwira Mc Peter nabameze nkawe. Thx

kayonga says:
04/11/2015 at 12:16

hope,jya wiyubaha kandi uhe agaciro ideas and action ibyo abandi bakora.
phil cg abandi uvuga bifotoje gute?
ubaha abandi plz.

Christian says:
04/16/2015 at 09:57

yes Phil Peter
man banza utazi ibyo urimo wowe n’abafana bawe rwose kuko ntago numva ukuntu umuntu ngo na family ye bajya kwibuka genocide bakajyenda bambaye imipira iriho i photo ngo ya MC,cg ni wowe bari baje kwibuka? abanditse iyi article banditse nabi lol
Peter ntakintu mpfa nawe rwose ukora akazi kawe neza shakiramo pro uve mukuyishakira kuri zino nzirakarengane.
thanks GBU kdi kwifuruje gukura mu mutwe

Comments are closed.

Share this:

8 Comments