PGGSS5: Uko igitaramo cyari kifashe i Rusizi

Joel Rutaganda
03/21/2015

Kuri uyu wa gatandatu tariki ya 21 Werurwe 2015 nibwo hatangiye ibitaramo byo kuzenguruka mu Ntara zose z’u Rwanda. Igitaramo cya mbere kikaba gihereye mu Ntara y’Iburengerazuba mu Mujyi wa Kamembe mu Karere ka Rusizi.

Abafana b'abahanzi ni benshi cyane baje kubashyigikira — Abafana b’abahanzi ni benshi cyane baje kubashyigikira

Primus Guma Guma Super Star, ni rimwe mu irushanwa rimwe rukumbi ribera mu Rwanda rifasha abahanzi mu iterambere rya muzika. Ku nshuro ya gatanu iri rushanwa riba, Abahanzi bose uko ari 10 baririmo usanga nta n’umwe ufite urwikekwe rwa mugenzi we ugereranyije n’andi yaribanjirije.

Bwa mbere mu 2011 ubwo iri rushanwa ryatangiraga mu Rwanda, ryegukanywe na Tom Close icyo gihe akaba yari ashyamiranye cyane na Jay Polly ndetse na King James hibazwa uzaryegukana.

Bitewe na zimwe mu mpinduka zagiye zigaragara mu bihembo iri rushanwa ritanga, byatumye buri muhanzi wese mu Rwanda yumva yagira inzozi zo kuzaryitabira.

Ibi byatumye mu mwaka wa 2012 King James aryegukana nubwo bitari byoroshye dore ko yaryanaga isataburenge n’umuraperi Jay Polly haba mu majwi ndetse no kugaragarizwa ko bakunzwe n’abafana babaga bari imbere yabo.

Bidatinze iri rushanwa ryahise risa n’irigiye mu maboko y’abahanzi bakora injyana ya HipHop. Ku nshuro ya gatatu iri rushanwa ryegukanywe na Riderman n’irikurikiye rya kane ryegukanwa na Jay Polly byagaragaraga ko afite abakunzi benshi bidasubirwaho.

Impinduka zagaragaye mu bihembo bitangwa n’iri rushanwa ubwo ryabaga ku nshuro ya kane, byatumye benshi mu bahanzi mu mwaka wa 2014/2015 batangira gukorana imbaraga nyinshi ngo babe nabo baryitabira.

Nta muhanzi n’umwe utarahawe igihembo mu bahanzi bose uko bari 10 bari muri iryo rushanwa. Ni nyuma kandi y’uko bose babaga bahawe amafaranga angana na miliyoni y’amafaranga y’u Rwanda buri kwezi (1.000.000 frw).

Ku nshuro ya gatanu haribazwa umuhanzi uzahiga abandi akegukana iri rushanwa dore ko harimo amazina menshi asanzwe amenyereye iri rushanwa ndetse n’andi mashya mu irushanwa.

Abahanzi nka, Jules Sentore, Knowless, Dream Boys, Active, TNP, Bruce Melodie, Senderi International Hit, Paccy, Bull Dogg na Rafiki Mazimpaka nibo bari mu irushanwa. Ninde ukwiye kwegukana iri rushanwa?

Uko abahanzi bakurikiranye kuri stage.

1. Senderi International Hit

2. Active

3. Jules Sentore

4. Dream Boys

5. Bruce Melodie

6. Paccy

7. TNP

8. Rafiki

9. Knowless

10. Bull Dogg

Mu mafoto uko abahanzi bakurikiranye kuri stage

Mc Tino na Anita Pendo nibo bayoboye igitaramo

Ibyishimo ni byinshi ku bakunzi b'abahanzi — Ibyishimo ni byinshi ku bakunzi b’abahanzi

Lion Imanzi, Aimable Twahirwa na Tonzi nibo bagize akanama nkemurampaka

Nta nyota ihari ku muntu uri hejuru y'imyaka 18 — Nta nyota ihari ku muntu uri hejuru y’imyaka 18

Senderi yaje yambaye ikoti mu gihe abantu bari biteze agashya nkuko asanzwe abizwiho

Senderi imbere y'abafana benshi — Senderi imbere y’abafana benshi

Active Group igaragaza ko imaze kumenyera imbaga y'abantu — Active Group igaragaza ko imaze kumenyera imbaga y’abantu

Iyi niyo stage abahanzi barimo kuririmbiraho

Jules Sentore yeretswe n'abanyarusizi ko bamaze kwiyumvamo injyana akora gakondo — Jules Sentore yeretswe n’abanyarusizi ko bamaze kwiyumvamo injyana akora gakondo

Jules imbere y'abafana — Jules imbere y’abafana

Uko umuhanzi avuye kuri stage bandika amanota akwiye

Dream Boys ni itsinda rigaragaza ubuhanga mu miririmbire yaryo

Iri ni rimwe mu itsinda rikomeye cyane mu Rwanda

Bruce Melodie araririmbana n'abafana — Bruce Melodie araririmbana n’abafana

Bruce Melodie ni umwe mu bahanzi bakunzwe cyane

Paccy bwa mbere yitabira irushanwa rya PGGSS yerekanye ko ashoboye

Barakurikirana igitaramo bareba uko abandi bahanzi barimo kwitwara nyuma yo kuva kuri stage

TNP ni inshuro ya mbere yitabira iri rushanwa

Bafunze igipfunsi berekana ko iri rushanwa ribaye ku nshuro ya gatanu

TMC, Melodie na Platini nyuma yo kuva kuririmba bifotozaga

Rafiki byagaragaye ko abantu batakimwibuka cyane

Knwoless uretsa kuririmba acishamo akanabyina

Knowless bigaragara ko abafana be bari bari bamukumbuye nyuma y'aho atitabiriye iri rushanwa ku nshuro ya kane — Knowless bigaragara ko abafana be bari bari bamukumbuye nyuma y’aho atitabiriye iri rushanwa ku nshuro ya kane

Abafana ba Knowless bari benshi bafite amafoto ariho

Bull Dogg avuga ko n'iyi nshuro iki gihembo kigomba kwegukanwa n'injyana ya HipHop — Bull Dogg avuga ko n’iyi nshuro iki gihembo kigomba kwegukanwa n’injyana ya HipHop

Bull Dogg yerekanye ko injyana ya HipHop imaze kugera ku yindi ntera

Uyu yumvaga batagenda atabafotoje telefone ye

Bavuye i Bukavu baje gushyigikira Knowless

Biteganyijwe ko igitaramo cya kabiri cy’iri rushanwa kizaba ku wa gatandatu tariki ya 28 Werurwe 2015 i Nyamagabe ku Gikongoro.

Joel Rutaganda

UM– USEKE.RW

Photos/Muzogeye Plaisir

18 Comments

J.d'Amour says:
03/21/2015 at 13:17

Anita Pendo ariko ashobora kuba atwite ?

Mwesiijye says:
03/21/2015 at 14:17

Genda Muzogeye uri uwa mbere kabisa ku bijyanye na quality y’ifoto! ndi mu mahanga aliko ngerageje kureba amafoto y’iki gikorwa cya guma guma nuko mpera ku gihe ndongera njya ku nyarwanda aliko ngeze ku museke kabisa ndemera! izi photos zifotoye neza rwose! big up sana kuri Plaisir M.

Gisa says:
03/21/2015 at 14:19

Dream boys irabikora tuuuu
Bahungu bajye mukobikore nk’abikinira ba nigga

summer breeze says:
03/21/2015 at 14:53

Umuseke muri aba zero,mukaba aba mbere mukikurikira mukongera mukikurikira mpaka kugeza ku ijana.lol website imwe itunganye mu Rwanda ni umuseke.rw kandi rwose nishimiye ko.babahaye ikiraka muragikwiye ahubwo buriya nka inyarwanda.com na igihe.com babaha ikiraka gute?ko inkuru zabo ziba.zinaniwe surtout igihe?

summer breeze says:
03/21/2015 at 14:54

Anywaysss oweeeee kuri paccy aka miss president.umukobwa wanjye arashoboye tu

Mukara wa Gaju says:
03/21/2015 at 15:00

Bulldog arihe ??++

kriss says:
03/21/2015 at 15:17

Rwose nta muntu wangeza kuri Paccy abana banjye baramukunda nabuze ko nabimubwira muzanfashe banyamakuru please

kalimba says:
03/21/2015 at 16:43

Oyeee Pacy, ufite imbaraga kandi urashoboye courage tukuri inyuma

kamarondo katama says:
03/21/2015 at 18:18

Senderi Hit turagushyigikiye

ndayisaba freddy says:
03/21/2015 at 19:27

dream boys oyeeeeee! turagushigikiye nicyawe kbs.

Rubundakumazi says:
03/21/2015 at 23:44

Maracyeye crane.

Peter says:
03/22/2015 at 01:46

Nange nunze mu rya Mwesiijye! Muzogeye arafotora pe! Nzengurutse hose ariko amafoto afite qualite na ya Plaisir! Komerezaho kabisa ahubwo mubaze niba ajya anakora ibindi biraka! Cool

Emmy says:
03/22/2015 at 10:00

Murakoze cyane kutugezaho PGGSS5 tukabibona nka bahibereye. big up
to Plaisir.

Pass arashoboye kbsa!

Karindi says:
03/22/2015 at 10:05

Njye Pacy ndamukunda kuva namumenya ! uyu mudamu ndamukunda cyane aranshimisha nkabura icyo muha !!

Mabengeza says:
03/22/2015 at 15:56

Jye nkunda UM– USEKE. Mutangaza inkuru neza ariko baracyagira inkuru nkeya ugereranije n’IGIHE.
- Rurangwa says:
  03/23/2015 at 08:40
  
  @Mubengeza, aba bana ni abahanga buryo gukora neza bisaba ubwitange no gukunda umurimo. Urabona IGIHE batangiye kera cyane ariko aba baje nyuma kdi bagira amakuru meza nubwo ari make ariko aba acukumbuye IGIHE bagira menshi ariko bamfa gusukaho gusa nta analysis ntago baba babihaye umwanya uhagije. Njye nikundira UM– USEKE. Ahubwo nihagire untera ingabo mu bitugu tubatere inkunga bakomeze bakore uyu murimo mwiza. Cheers

karim says:
03/23/2015 at 12:21

knowress butera arashoboye kandi azabikora kuber imana byose birashoboka intwarane tumuri inyuma mpaka kuri final

vbvc says:
03/24/2015 at 06:00

No without guitare, no music! ndabivuze kandi nzabisubiramo. Kuki Bralirwa itinya kuzana za orchestre zivuza umuziki abantu bakishima , apana abavuza CD. Aba sinajya kubareba mba ndi umwambi, kuko radio iwanjya naho irahari. Apu!

Comments are closed.

Share this:

18 Comments