Nta mpinduka ihari mu gitaramo kiswe ‘Soirée Des Amoreux’

14 Gashyantare 2015 hateguwe igitaramo kiswe “Soirée des Amoreux” kizahuza abahanzi bagera kuri 11 basanzwe bakora injyana ya R&B mu Rwanda ndetse na bamwe mu bahanzi bo hambere, ngo nta mpinduka n’imwe iragaragara yatuma icyo gitaramo kitaba.

Abahanzi nka Hope, Peace, Bruce Melody, Elione Victory, Jules Sentore, Diane Teta, King James, Urban  Boys, Patrick Nyamitari, Sudi Mavenge, Mwitenawe n’abandi bazataramira abazaba baje muri uyu mugoroba w’abakundana.

Mike Karangwa umwe mu bateguye icyo gitaramo, avuga ko nta mpinduka n’imwe iragaragara mu mitegurire y’icyo gitaramo yerekana ko gishobora kutaba, ahubwo ngo umunsi niwo utinze kugera.

Icyo gitaramo byari biteganyijwe ko kizabera Kigali Serena Hotel kikaza kwimurirwa muri Hotel des Milles Colline, kwinjira ni 5000frw ndetse na 10.000 frw kuri couple.

Biteganyijwe ko icyo gitaramo kizatangarira saa 17H00 z’umugoroba ari nabwo umuhanzi wa mbere azaba atangiye gutaramira abazaba bahageze.

Joel Rutaganda 

UM– USEKE.RW