Remera- Hilux igonze umumotari Imana ikinga akaboko

Hari mu mu sa sita kuri uyu wa 16 Kanama, imodoka yo mu bwoko bwa Toyota Hilux yavaga i Remera mu Giporoso yerekeza kwa Lando yagonze umumotari wari uhetse umugenzi ariko Imana ikinga akaboko abari kuri moto barakomereka gusa.

Uyu mu motari utabashaga kuvuga kubera ububabare, yari ahetse umugenzi w’umusore nawe wakometse ku gahanga. Moto ye yangiritse ku gice cy’imbere n’ingofero irinda umutwe irameneka.

Iyi mpanuka itari ikomeye yabereye hafi y’urusengero rwa Eglise du Nazareen Internationale i Remera, ibinyabiziga byombi bikaba byari mu cyerekezo kimwe.

Abamotari bavugaga ko uw’imodoka ariwe uhohoteye umumotari ashaka kumucaho. Uw’imodoka nawe akavuga ko uwa moto ari we wagendaga nabi.

Police imaze igihe isaba abatwara ibinyabiziga kwitwararika mu muhanda kuko impanuka zimaze iminsi zitwara ubuzima bw’abantu.

NIZEYIMANA Jean Pierre
UM– USEKE.RW