Ukraine: Inyeshyamba zatanze 'Black Box' y'indege MH17

Inyeshyamba zo mu burasirazuba bwa Ukraine zatanze agasanduku k’indege MH17 bivugwako arizo zahanuye zibifashijwemo n’Uburusiya kuwa Kabiri w’Icyumweru gishize.

Umukuru w’izi nyashyamba yahereje aka gasanduku abahanga bo muri Malaysia ahitwa Donetsk. Aba bashakashatsi  baje gukora ubushakashatsi ku cyahanuye iriya ndege yahitanye abantu 298.

Aba barwanyi batanze aka gasanguku nyuma y’uko Inama y’Umuryango w’Abibumbye ifashe icyemezo cyo gushyiraho itsinda mpuzamahanga ryo gukora ubushakashatsi bwimbitse kuri ririya raswa ry’indege MH17.

Kuva iyi ndege yahanuka, ibihugu by’i Burayi n’Amerika, byashinje abarwanyi bo mu gace ka Ukraine kavuga Ikirusiya ko ari bo bayihanuye babifashijwemo n’igihugu cy’Uburusiya.

Uburusiya bwahakanye uruhare urwo arirwo rwose muri iri raswa, buvuga ko bireba gusa abayobozi ba Ukraine.

Uyu munsi hateganyijwe inama ikomeye ihuza abaminisitiri b’ububanyi n’amahanga b’ibihugu byunze ubumwe bw’Uburayi. Iyi nama irigira hamwe ibyemezo byafatirwa Uburusiya n’abarwayi bukekwaho gufasha.

Agasanduku k’umukara kaba mu ndege zose. Aka gasanduku gashinzwe kumenya no kubika ibiba kuri iyi ndege byose ku buryo mu gihe cy’impanuka, abashakashatsi bakifashisha bareba uko byegenze mbere gato y’iyi mpanuka ndetse n’igihe impanuka ubwayo yabaga.

BBC

UM– USEKE.RW