Ingabo zo ku butaka za Israel zateye Palestine

Ministiri w’intebe wa Israeli Benjamin Netanyahu yahaye uruhushya ingabo ze zo ku butaka gutangira urugamba rwo gusenya ibirindiro byose bya Hamas. Ibi bitero bitangiye mu gihe ejo ku wa Kane hari hari amakuru avuga ko IDF(Israeli Defense Forces)na Hamas bahanye agahenge kazageza kuri uyu wa gatanu kugira ngo inkomere zivurwe n’abaturage bajye guhaha.

Umutwe wa Hamas waburiye Israel ko izicuza icyayiteye kugaba ibi bitero byo ku butaka. Ibi bice byombi bimaze iminsi igera ku 10 birasana mu rwego rwo kwihimiranaho ariko amahanga yakomeje kurebera kandi abuturage benshi bicwa,cyane cyane abo muri Palestine.

Ministiri Netanyahu yemeye ko ingabo za Israel zitera  kubera igitutu cyokejwe n’abari mu ishyaka rye biganje mu Nteko ishinga amategeko ya Israel.

Ku bwe ibitero byo mu kirere byari bihagije ngo naho ibyo ku butaka bizatuma Israel itakaza abasirikare benshi  kandi ngo intambara ishobora kumara igihe kirekire kurusha uko abantu babitekereza.

Umunyamakuru wa BBC witwa Quentin Sommerville uri muri Tel Aviv yemeza ko iki gitero cyo ku butaka kizahindura ibintu byinshi muri aya  makimbirane amaze iminsi hagati ya Palestine na Israel.

Mailonline

ububiko.umusekehost.com