Amakipe 16 ya Airtel Rising Stars mu marushanwa ya kimwe cya kabiri

Amakipe 16 agizwe n’amakipe umunani y’abahungu n’andi umunani w’abakobwa niyo yabashije kugera ku mikino ya kimwe cya kabiri mu mashanwa ya Airtel Rising Stars  azaba mu mpera z’iki cyumweru. Muri buri ntara havuye amakipe abari abiri y’abahungu n’abakobwa.

Ku ruhande rw’abahungu, agace k’Amajyaruguru kazaserukirwa n’ikipe ya Rubavu FC hamwe n’ikipe ya Bigogwe. Intara y’Amajyepfo izahagararirwa n’amakipe ya Umurabyo FC na Rusizi United. Intara y’Uburasirazuba izahagararirwa n’amakipe ya Gatsibo Academy na Kayonza Football Training Center.

Umujyi wa Kigali uzahagararirwa n’amakipe ya Play for Hope hamwe na Top Guys.

Mu mikino yabanje mu majonjora yabereye i Kigali, Ikipe Play for Hope yatsinze Dream Team ibitego 2 kuri 1, Ikipe Top Guys itsinda Imparirwakurusha ibitego 2 kuri 1. Mu mukino wabereye ku Kibuga cya Kicukiro, ikipe ya Play  for Hope yatsinze Top Guys ibitego 2 ku busa.

Kuri stade ya Mumena I Nyamirambo Ikipe yitwa Youth Sports Center yatsinzwe n’Imparirwarusha ibitego 2 ku busa, indi kipe yitwa Giti cy’Inyoni itsinda AS Kigali y’abana ibitego 4 kuri 2 nyuma yo gutera za Penaliti.

Mu yindi mikino yabaye, ikipe yitwa Dream Team Eleven Boys katsinze beat Shining Stars nyuma yo gutera za Penaliti ikinjiza enye kuri ebyiri. Ikipe Play for Hope yatsinze  ikipe ya  Meilleurs Amis  nyuma yaza Penaliti ikinjira 6 kuri 4.
Mu mikino yabereye Kayonza , Gatsibo yatsinzwe n’ Abarashi ibitego 2 kuri 0, Intashya zitsinda imirabyo 3 ku busa, Ikipe ya Gahara itsinda Imanzi ibitego 2 ku busa naho Gahini itsindwa na Kayonza igitego 1 ku busa.

Kayonza nayo yatsinze Intashya 1 ku busa naho Gatsibo itsinda Kayonza ibitego 6 kuri 5 nyuma yo gutera za Penaliti. Mu Ntara y’Amajyepfo Ikipe ya Rusizi United yatsinze Nyanza ibitego 4 kuri 3 nyuma ya za Penaliti.

Ikipe y’Umurabyo FC yatsinze Muhanga igitego kimwe ku busa, naho Ikipe y’Umurabyo FC  nyuma iza no gutsinda Rusizi FC ibitego 3 kuri 2.

Mu yindi mikino, Umurabyo FC yatinze Ikipe yitwa  OPDEI ibitego 3 ku busa. Petit Hirondelle itsinda ikipe yitwa Centre ibitego 3 ku  busa.

Ikipe ya United yatsinze Youth Development igitego 1 ku busa naho Nyanza Centre itsinda Gitwe 1 ku busa. Ikipe ya Gatagara FC itsinda Mugandamure ibitego 2 ku busa. Mu Ntara y’Amajyaruguru, Ikipe  ya Tiger Academy yatsinze Kivu ibitego 2 ku busa, Musanze FC itsindwa na Tiger FC igitegi 1 ku busa.

Ikipe ya Bigogwe itsinda Les abeilles ibitego  2 ku busa, Ikipe ya  Juatoto itsinda  yitwa Rwa 155 3-2, Ikipe ya Lionceau FC itsinda Kinihira FC ibitego 2 ku busa naho Rubavu itsinda  Omega ibitego 3 kuri kimwe. Ikipe ya Rubavu FC yatsinze Tiger Academy ibitego 4 kuri 2 nyuma yo gutera za Penaliti.

Ikipe ya Lionceau FC yatsinze Bigogwe FC ibitego 4 nyuma yo gutera za Penaliti. Mu makipe y’abakobwa azahatanira kimwe cya kabiri yo mu Ntara y’Amajyaruguru  harimo Nyakiriba FC, na Rwa 155 naho amakipe y’abakobwa yo mu Ntara y’ Amajyepfo azaba ahagarariwe na ikipe ya Mutara Ruhango hamwe na Nyanza Feminine.

Intara y’Uburasirazuba yo izaba iraba ihagarariwe Kayonza FC n’Ikipe ya Abarashi;

Amakipe azahagararira Umujyi wa Kigali harimo AS Kigali na Young For Hope. Imikino ku makipe y’abahungu azaba kuri uyu wa Gatandatu, 19, Nyakanga naho Abakobwa bakine bukeye bwaho kuri 20 Nyakanga.

ububiko.umusekehost.com