Teta Diana ahanze amaso cyane PGGSS ya Gatanu

Teta Diana umwe mu bahanzikazi babiri bari mu irushanwa rya Primus Guma Guma Super Star ya kane avuga ko ahanze amaso cyane irushanwa rya PGGSS ya Gatanu kuko abona ko bigoranye cyane ko yakwegukana iri riri kuba ku nshuro ya kane.

Mu gitaramo giheruka kubera mu Karere ka Ngoma mu Ntara y’Iburasirazuba , ubwo yasabaga abakunzi be kubyina banamanika amaboko, yabasezeranyije ko bazaba bari kumwe muri PGGSS V.

Mu magambo yavuze yagize ati “Abakunzi banjye muri he? Amaboko hejuru!! Ndabibonye ko hano munshyigikiye nzagaruka muri Guma Guma itaha nziko mpafite abafana”.

Teta Diana ni umwe mu bahanzi bari muri iri rushanwa bazwiho kuririmba by’umwimerere (Live), gusa umuntu akaba yakwibaza impamvu yaba atifitiye ikizere dore ko kuririmba by’umwimerere bizaba bifite 80% mu gihe gutora kuri za SMS zifite 20%.

Joel Rutaganda
Uububiko.umusekehost.com