AERG/UNR:babanje gusura urwibutso maze banizihiza imyaka 15 bamaze

Webmaster Marcel
08/07/2011

Gusukura urwibutso ngo ni ukuvura ihungabana kubashyinguye mo ababo: NSHIMIYIMANA Emmanuel wari uhagarariye CNLG.

Kuri uyu wa gatandatu abanyeshuri bahagarariye abandi mu miryango 38 igize umuryango rusange w’abanyeshuri barokotse genocide yakorewe abatutsi muri mata 1994 (AERG) biga muri kaminuza y’u Rwanda, basuye urwibutso rwa genocide rwa Murambi mu rwego rwo guhora bazirikana iyo Genocide ndetse no kuhakora umuganda.

Abakozi ba komisiyo y’igihugu yo kurwanya genocide bakora kuri urwo rwibutso bakaba bavuga ko uretse guha isuku urwibutso ari na bumwe mu buryo bwo kuvura ihungabana.

Abanyeshuri babwirwa amwe mu mateka ya murambi

Umwe mubo twaganiriye mu banyeshuri basuye uru rwibutso, yavuze ko igikorwa cyo gusukura inzibutso ari inshingano zabo kuko abahashyinguye ari ababo, kikaba ndetse ari n’ikimenyetso cyo kwerekana ko bakibakunda kandi babazirikana.

Uyu muryango kandi kuri iki cyumweru wijihije isabukuru y’imyaka 15 umaze ushinzwe, ni umuhango witabiriwe n’abanyacyubahiro barimo Gouverneri w’Intara y’Amajyepfo, Alphonse Munyantwari, umukuru w’ingabo muri aka karere, Gen. Mubarak Muganga n’abandi benshi.

Gen. Mubarak Muganga ahemba abanyamuryango ba AERG/UNR bitwaye neza kuri iki cyumweru

SAM_4393 — Comite ya AERG/UNR yacyuye igihe yashimiwe, aba ni bamwe mu bari bayigize

SAM_4523 — Gatari Egide umuhuzabikorwa wa AERG ku rwego rw'igihugu

Photos Nshimiyimana Emmanuel, Robert Irambona

Emmanuel NSHIMIYIMANA
Umuseke.com

8 Comments

gashugi says:
08/07/2011 at 20:38

kwibuka abazize genocide yakorewe abatutsi ni ngombwa kandi bigomba kujyana no guha agaciro abakambuwe nk’uku gusukura inzibutso bashyinguwemo ndetse hakanazirikanwa uko bishwe bityo bigaha isomo abasigaye mu kurwanya ko byazongera kubaho ukundi

Kagina says:
08/08/2011 at 00:11

Nimugenda mwa bisahuriramunduru mwe, icyo kigunda kirinda kurenda aho kigera aho kikarengera izo nzibutso, wowe NSHIMIYIMANA urushinzwe utabibona? kurinda gutegereza abana ngo nibo baza kurusukura wowe ubwo nta nisoni bigutera kandi ushinzwe urwo rwibutso?

niba se nta suku rugira ubwo ntiwasobanura ikindi kintu ushinzwe? mukirirwa mwokera ngo bapfobya jenoside, wowe ubwo uri mubiki? ibisambo gusa

Karibu Nehemie says:
08/08/2011 at 08:24

Njyewe ndabona wagirango nta bantu bahaba bahashinzwe. Buriya se urwibutso nk`urwa murambi ushobora kumera kuriya, ibihuru bigakura bikagera hariya uboshye nta bantu bahaba bashinzwe kurwitaho.

None abahasura ko bajya bagira amafaranga abatanga yo kurwitaho akora iki niba hanga hakaba mu kigunda bigeze hariya!

Fifi says:
08/08/2011 at 11:38

Gusukura inzibutso bituma uruhuka mumutwe, kuko uba wanabonye umwanya wo kuzirikana no kwibuka abawe! Kandi niyo bibaye ngombwa ko urira, uriririra, ukaruhuka! bikwiye kujya ahubwo biba mu nshingano zacu, tukabikora buri gihe, ababibashije!

ingabo says:
08/08/2011 at 12:27

wornderful action for AERG-UNR big up for being responsible!

alpherd says:
08/08/2011 at 12:29

AERG-UNR muri hejuru mukomereze ah!

gd says:
08/08/2011 at 13:58

Mana ha umugisha AERG yacu kandi uyigumane mu biganza byawe kuko ari urumuri rumurikira benshi batagira ababarebera.

kari says:
08/09/2011 at 10:22

AERG gahore kwisonga kuko tukuboneramo byinshi kandi tukaruhuka.reka duhore twibuka abacu twabuze kandi tube hafi abasigaye .AERG UNR tubashimiye igikorwa cyiza mwatekerejeho cyo gusura uru rwibutso

Comments are closed.

Share this:

8 Comments