Ibintu 3 Auddy Kelly ashimira Imana kuba yaramurokoye mu 1994

Munyangango Auddy uzwi muri muzika nka Auddy Kelly, nyuma y’imyaka 20 u Rwanda rwibuka Jenoside yakorewe Abatutsi mu 1994 afite ibintu bitatu ashimira Imana.

Abinyujije k’urubuga rwe rwa facebook kuri uyu wa gatanu tariki ya 11 Mata 2014, yagize ati “Mfite byinshi nshimira Imana kuri iyi nshuro ya 20 twibuka Jenoside yakorewe Abatutsi mu 1994 yankoreye”.

1.Nuko yemeye ko nsigara nkabaho nubwo nabuze umuryango n’inshuti kuko‪ ntacyo ndusha abandi Imana ishimwe.

2.Nari nkiri umwana ntaramenya ubwenge kuko iyo numvishe ubuhamya sinifuriza amaso yanjye kongera kubona ibyabaye, nubwo nabibaye sinarimfite ubwenge Imana ishimwe.

3.Yego benshi bavuga ngo Imana yari yagiye he? gusa njye mbona yari ihari kuko Jenocide iba twatabaje amahanga ararebera ntiyavuga ariko IMANA iduhishurira ibanga rikomeye abanyarwanda aba aritwe duhagarika ayo mahano, iryo ni isomo ritwibutsa icyo turicyo ntawundi uzatwubakira urwatubyaye, naryo n’ishimwe ku Mana”.

Yakomeje agira ati “Bivuzeko mu gihe tuzibagirwa ko twese turi abana b’u Rwanda Imana izatureka kuko yatugize umwe yo ntiyitaye ku byo twishyiriyeho ngo ni amoko, iryo niryo banga rya kivandimwe Imana yahishuye ku Rwanda kandi nifuza ko urubyiruko twakubakiraho tukubaka u Rwanda rushya rwubakiye ku ibanga rya kivandimwe”. Imana ishimwe never again 20 years ago.

Aya niyo magambo Auddy Kelly yatambukije k’urubuga rwe rwa facebook ashimira Imana ku byo yamukoreye.

Joel Rutaganda
ububiko.umusekehost.com