Greenwhich igaruye Man Martin mu gitaramo kiryoshye

Greenwich Hotel nk’uko isanzwe iha abayigana serivise nziza no kubafasha kumererwa neza, yabateguriye igitaramo ngaruka kwezi kizajya kiba kirimo umuhanzi w’icyamamare mu Rwanda no mu Karere Mani Martin n’umunyarwenya ukunda kwiyita Ambasaderi w’abaguzi “Ambasaderi w’Aba-Consomateur”.

Iki gitaramo cy’umwimerere wa muzika no kugorora imbavu kizajya kiba buri wa gatanu usoza ukwezi.

Umuhanzi Mani Martin azajya aba ari kumwe n’itsinda rye Kesho Band, Ambasaderi w’Aba-Consomateur,  aba DJ basusurutsa abantu mu njyana ziryoshye n’abashyushyabirori (MC) batandukanye bazafasha abagana Greenwich Hotel kugubwa neza ndetse na Karaoke izababasusurutsa kahave.

Igitaramo cyo muri uku kwezi kizatangira saa tatu z’ijoro kugera saa tanu z’ijoro (21h00-23h00). Kwinjira bizaba ari amafaranga y’u Rwanda ibihumbi bibiri (2,000 Frw) ku muntu. Kizaba mu ijoro ryo kuwa gatanu tariki 28 Werurwe 2014.

Nk’uko bisanzwe, hazaba udushya dutandukanye, kandi Greenwich Hotel izaba yahananuye ibiciro guhera saa kumi n’ebyiri z’umugoroba kugeza saa mbiri z’ijoro ( 18h00-20h00), hazaba hari kandi n’ikinyobwa cy’ikaze (welcome drink coocktail).

Greenwich Hotel iherereye i Remera, i ruhande rw’inama y’igihugu y’itangazamakuru.

ububiko.umusekehost.com