RRA Volleyball Club yatsinze APR VC seti 3-1
Ku munsi wa kane wa Shampiyona y’igihugu y’umukino wa Volleyball mu bagore, mu mukino wabaye mu mpera z’iki Cyumweru, ikipe ya Rwanda Revenue Authority Volleyball Club (RRA VC) yatsinze APR Volleyball Club amaseti 3-1.
RRA VC yatsinze APR iseti ya mbere n’amanota ku 25-19, iya kabiri APR irishyura ku manota 25-23 kuva ubwo APR ntiyongeye gutsinda kuko izisigaye zatsinzwe na RRA ku manota 25-19 na 25-20.
Umutoza wa RRA VC Ndayikengurukiye Jean Luc wahoze akinira ikipe ya APR y’abagabo, yemeza ko gutsinda APR bitamutunguye kuko bayiteguye igihe gihagije.
Jean Luc yatangarije yagize ati “Nari niteguye guhura na APR nk’ikipe ikomeye izwiho gukoresha hagati cyane no guhanahana neza kandi isanzwe imenyereye amarushanwa, ariko intego yanjye yari ugutsinda kandi nabigezeho.”
Uyu mutoza avuga ko agiye gukomeza gutoza abakinnyi be kurushaho, kuko imikino iri mbere ari myinshi kandi ngo ikomeye.
Umutoza wa APR Volleyball Club, Sibomana Viateur, we yemeye ko yarushijwe bigaragara.
Sibomana yagize ati “Ikipe yanjye isanzwe imenyereye amarushanwa, ariko uyu munsi umukino ntiwaduhiriye, ariko ntidushobora gucika intege nubwo dutsinzwe na RRA VC kuko n’imikino ibanza ariko mfite icyizere ko imikino itaha tuzitwara neza.”
Yemeye ko yabonye amakosa yakozwe kandi ko yiyemeje kuzayakosora kugira ngo yitegure neza imikino iri imbere hakiri kare.
Indi mikino yabaye muri iyi week end mu bagabo no mu bagore:
ABAGABO
| No | TERRAIN | MATCH | SETS | POINTS |
| 1 | INATEK
|
INATEK-KIREHE
KIREHE-KVC KVC-INATEK |
3-1
1-3 3-1 |
KVC 6
INATEK 3 KIREHE 0 |
| 2 | LDN
|
LDN-NGORORERO
NGORORERO-UBT UBT-LDN |
3-0
0-3 1-3 |
LDN 6
UBT 3 NGORORERO 0 |
ABAGORE
| No | TERRAIN | MATCH | SETS | POINTS |
| 1 | APR | APR-RRA | 1-3 | RRA 3
APR 0 |
| 2 | NGORORERO | IPRC KIGALI-LDN
NGORORERO-IPRC KIGALI |
3-1
0-3 |
IPRC KIGALI 6
NGORORERO 0
LDN 0 |
| 3 | ST JOSEPH | RVC-ST JOSEPH | 3-0 | RCV 3
ST JOSEPH 0 |
NKOTANYI Damas
ububiko.umusekehost.com
English