Mu masaha 48 turamenya abahanzi 10 bazitabira PGGSS4

Abakunzi ba muzika nyarwanda ndetse n’abakunzi b’abahanzi muri rusange baribaza abahanzi bagomba kuva muri 15 bafite amahirwe yo kujya mu 10 bazitabira irushanwa rya Primus Guma Guma Super Star IV. Baratangazwa kuri uyu wa gatandatu tariki 15 Werurwe.

Ku gicamunsi cyo ku itariki ya 13 Werurwe 2014 nibwo abahanzi bamaze gutombora uburyo baziyerekana imbere y’abakemurampaka ‘Judges’ n’abakunzi babo.

Mu kiganiro na Umuseke, Mushyoma Joseph umuyobozi wa East African Promotors ‘EAP’ ifatanyije na Bralirwa muri iki gikorwa, yatangaje ko iyo tombola yabaye mu mucyo kubera ko ari buri muhanzi witomboreye iyo numero.

Ibyiciro uko ari bitatu byagiye bitombora ukwabyo, tubibutse ko hari icyiciro cy’abahanzi basanzwe bitabira irushanwa, hakaza icyiciro cy’abahanzi bashya bagiye kujya muri iri rushanwa ku nshuro ya mbere ndetse n’icyiciro cy’abakobwa.

Uko bamaze gutombora niko bazagenda bakurikirana kuri stage kuwa gatandatu guhera ku isaha ya saa kumi n’imwe z’umugoroba (17:00pm), ari nabwo tuzamenya 10 bazakomezanya na PGGSS IV.

Hazabanza abahanzi bashya.

1.Sentore
2.Bruce Melody
3.Uncle Austin
4.Edouce
5.Ama G The Black
6.Active

Hakurikireho icyiciro cy’Abakobwa.

1.Young Grace
2.Oda Paccy
3.Teta Diana

Naho icyiciro cy’abasanzwe bitabira iri rushanwa nibo bazasoza.

1.Senderi International HIt
2.Kamichi
3.Jay Polly
4.Urban Boyz
5.Dream Boyz
6.Christopher

Kwinjira muri icyo gitaramo bizaba ari amafaranga y’ u Rwanda 1 000frw ndetse n’abazaba bafite ubutumire i Gikondo ahabera Imurikagurisha.

Joel Rutaganda
ububiko.umusekehost.com