Hatangijwe umukino wo kumasha
Mu Rwanda rwo hambere hahozeho umukino wo kumasha ariko nyuma yo kwaduka kw’indi mikino ya ruzungu, uyu mukino waracyendereye. Ubu ubuyobozi bw’imikino mu gihugu bwagaruye uyu mukino kandi hatorwa Komite yawo.
Muhumuza Richard yabwiye UM– USEKE ko igitekerezo cyo gutangiza ishyirahamwe ry’ umukino wo kurasa no kumasha cyabajemo kera.
Ati “Nibazaga impamvu uyu mukino udakinwa iwacu kandi uri no mu mikino ya Olimpiki.”
Avuga ko yakuze akunda uyu mukino ariko akabura aho awukinira.
Muhumuza yagize ati “Iki gitekerezo twakigize kera tukiri abana bato twakundaga gukurikira iyi mikino ariko tukabura impamvu uy’umukino utagira ishyirahamwe riwuhagarariye ni muri urwo rwego twarishinze.”
Muhumuza akomeza avuga ko Intego y’ishyirahamwe ryo kurasa no kumasha mu Rwanda ( Rwanda Archery and Shooting Sports federation (RASPT) ari ukuwumenyekanisha mu rubyiruko no mu bakuze.
Avugako bateguye irushanwa rizatangira kuri uyu wa Gatandatu, 15 Werurwe kugira ngo barebere hamwe ubuhanga abanyarwanda bafite muri uyu mukino.
Kuri uyu wa Gatandatu, abakinnyi b’u Rwanda bazakina n’abandi bo mu ikipe y’u Rwanda hanyuma ku cyumweru abatsinze bakine na Uganda.
Kuri ubu iri shyirahamwe rimaze kugira amakipe ane, atatu muri yo abamu Mujyi wa Kigali ndetse indi imweiba i Muhanga. Aya makipe ni aya:
New Vision Pointers (NVP),Thousand Hills Club(TUC), Muhanga Indomitables, SWACA). Uyu mukino ubusanzwe ukinwa mu buryo 2, imbere mu nzu (in door) cyangwa se hanze(out door).
Dore uko uyu mukino ukinnya:
Ukinirwa ahantu hagomba kuba hari imbuga ngari byibura ku burebure bwa Metero 110, umukinnyi akaba agomba guhagarara mu ntera ya metero 30 cyangwa 70 ari nayo ikoreshwa cyane ku rwego mpuzamahanga.
Nk’uko byasobanuwe n’umutoza muri uyu mukino Twahirwa Anthony kugira ngo hamenyekane amanota, hagomba kuba aho barasa, akaba ari uriziga runini rugizwe n’ibice 10 urashe mu gace k’imbere gato akaba aba abonye amanota 10 bityo bityo kugeza ku ka mbere aho ubona inota rimwe.
Umukinnyi agomba kuba afite umuheto ndetse n’imyambi. Muri uyu mukino, buri mukinnyi aba yemerewe kurasa imyambi 72, akarasa 6 akaruka akongera gutyo kugeza igihe irangiriye, nyuma rero hakabarwa amanota yagize bitewe n’aho yagiye arasa.
NKURUNZIZA Jean Paul
ububiko.umusekehost.com
English
0 Comment
uwomukino kuwukina bisabiki konzi kurasa byahatari muduhe adresse yaho uzajya ukinirwa
nuko rwose umuco w’abakurambere tuwurambeho, wenda byafasha aban bakiri bato kugira ibibahuza kandi, uyu mukino ufasha kwiconcentra(concentrate), aho umuntu usanga abasha gutekereza ku kintu kimwe ntakivange nibindi, uyu mukino kandi ubwo urumva ko wasubiza kumurongo abana aho mu ishuri ikibazo cyo gukurikira bagatsinda cyaba gikomeje. KURIYA GUSHAKA GUHAMYA INTEGO KANDI ARI AKANTU GATO BITUMA MURIWE UBWONKO UMUBIRI BYOSE BIRIHUZA MUMUTUZO MWISHI AKABASHA GUHAN=MYA INTEGO
Mbanje gushyimangira abateguye ayo marushanwa kdi ntimuzakike intege tubari inyuma.biragaragara ko inzozi zibaye mpamo kubera urwanda rutsinda hose.courage basore abazatsinda mbemereye caisse ya fanta
Turashima buri umwe uko atanga ibitekerezo, ariko rero nimuze kuri stade Amahoro tureberehamwe icyatuma uyumukino ugaruka mumuco wabanyarwanda.
Full adress ni Amahoro stadium muri numero 5 ahareba amarembo agana i Kanombe kukibuga.
Murakoze gutanga iyi Adresse yo muri stade.Ariko se Salim we,muri 5 murahahora??Mufitemo office kuburyo umuntu ahabasanga muminsi y’akazi?? Ese hari umuntu uriyo wabasha gutanga ibisobanuro kuwaba abimubajije?? Ese Ayo ma equipe aba he??Bisaba iki kuyajyamo??Hakenewe ibisobanuro byinshi kuko uyu mukino nimushya.
Ikindi kandi mwibuke ko hari abantu benshi baba batakibashije imikino isaba imbaraga zo kwiruka ariko nkiyi bakaba bayikina.Nimugerageze rero gufasha ababishaka kumenya uburyo bakwinjira muri uyu mukino.murakoze.
Comments are closed.