Espoir BBC yizeye gutwara igikombe bwa gatatu

Nyuma yo gutsinda imikino ibiri mu mpera z’icyumweru gishize, ikipe ya Espoir Basketball Club ifite ikizere cyose cyo guzatwara igikombe cy’iyi Shampiyona ya Basketball.

John Bahufite utoza Espoir BBC yatangaje ko byanze bikunze bagomba gutwara iki gikombe ku nshuto ya gatatu bikurikiranya.

Bahufite yagize ati ” Tugomba gukomeza kwitegura kuko hari amakipe atoroshye nka Rusizi na KBC (Kigali Basketball Club). Duhanganye nayo ariko tugomba gukora ibishoboka tugatwara iki gikombe.”

Gutsinda ariya makipe avuga asanga bizabaha amahirwe yo gutwara icyo gikombe.

Mu mukino wo kwishyura wabaye mu mpera z’icyumweru gishize, Espoir yatsinze UGB amanota 89 kuri75 mu gihe mu mukino ubanza wabaye kuwa gatandatu tariki ya 8 Werurwe 2014 Espoir yari yatsinze CSK amanota 56 kuri 47.

Kugeza ubu ikipe ya Espoir Basketball Club imaze gutsinda imikino yose yakinnye muri iyi Shampiyona.

Mu cyumweru gishize yatsinze APR Basketball Club ku manota 44-36 mu mukino utari woroshye waberage ku  ku kigo cy’urubyiruko cya Kimisagara.

Uko indi mikino yagenze muri week end:

-APR BBC 62-39 IPRC-Kgli BBC,
-CSK BBC 56-55 Rusizi BC,
-UR-CE 34-64 UR-Huye,
-Gisenyi BBC 54-54 UR-Huye BB,
– Kigali BC 62-64 Rusizi BC,
-30 Plus BBC 57-30 UR-CE BBC.

Photos/Plaisir MUZOGEYE

NKOTANYI Damas
ububiko.umusekehost.com