Tanzaniya yifatanyije n’Ubushinwa mu kababaro

Perezida w’igihugu cya Tanazaniya Jakaya Kikwete kuri uyu wa kabiri tariki 4 Werurwe 2014 yoherereje ubutumwa Xi Jinping uyobora igihugu cy’Ubushinwa  amufata mu mugongo kubera ibihe bitoroshye  byo kunamira abantu 29 baguye mu gitero cyiswe  icy’iterabwoba igihugu cye kirimo.  

Muri ubwo butumwa Perezida Kikwete yavuze ko yamenye amakuru y’incamugongo y’ibyaye mu Bushinwa yerekeranye n’igitero cy’iterabwoba cyagabwe tariki ya mbere Werurwe 2014  kigahitana abantu 29, abandi 140 bagakomereka bikabije.

Muri ubwo butumwa yagize ati “Muri ibi bihe bigoye by’akababaro, mu izina rya Guverinoma yanjye, mu izina ry’abaturage b’igihugu cya Tanzaniya no mu izina ryanjye bwite turihanganisha abaturage b’igihugu cy’Ubushinwa cyane cyane imiryango yabuze abayo ndetse nifatanyije n’abakomerekejwe n’iki gitero”.

Kikwete yavuze ko guverinoma ye yababajwe n’iki gitero, Gusa yizeye ko ababyihishe inyuma bazatabwa muri yombi bagashyikirizwa  ubutabera maze bakaryozwa   ibyo bakoze.

Source: Xinhua
ububiko.umusekehost.com