Ibiganiro birakomeje ku muterankunga w’igikombe cy’amahoro.

Umuyobozi wungirije w’Ishyirahamwe ry’umupira w’amaguru mu Rwanda FERWAFA, Vedaste Kayiranga  mu kiganiro n’abanyamakuru cyabereye ku cyicaro cya FERWAFA ejo, yavuze ko iri shyirahamwe riri kuvugana n’abaterankunga batatu batandukanye kugira ngo haboneke umwe wazatera inkunga imikino y’igikombe cy’amahoro itaganyijwe gutangizwa ku italiki ya 18 Werurwe uyu mwaka.

Yavuze ko n’ubwo bimeze gutyo, aho ibiganiro bigeze bitanga icyizere ko umuterankunga azaboneka mbere y’uko Shampiyona y’igikombe cy’amahoro itangira.

Uyu muyobozi muri FERWAFA yirinze gutangaza amazina y’aba baterankunga bari kuganira, avuga ko uwatowe ariwe uzamenyeshwa Abanyarwanda.

Kayiranga avuga ko ikibazo bakiganiraho kijyanye n’amafaranga azakenerwa n’uburyo azatangwa ariko ngo bageze kure bemeranywa kuri iki kibazo.

Uko amakipe azahatana muri 1/16 mu gikombe cy’amahoro biteye gutsa:

-Sunrise Fc Vs Rayon Sports,

-Police Fc Vs Bugesera Fc,

– Etoile de L’Est Vs Etincelles Fc,

-Kiyovu Sports Vs Isonga Fc,

– Gicumbi Fc Vs Unity Fc,

– Marines Fc Vs Sec Fc,

-Gasabo Fc Vs Musanze  Fc,

– Akagera Fc Vs Apr Fc,

– Interforce Vs As Muhanga,

-Intare Fc Vs Kirehe F,

– Sorwathe Fc Vs Asport,

– Pepiniere Fc Vs Espoir Fc,

– Espérance Fc Vs Vision Fc,

-United Stars Vs Amagaju Fc,

-Vision J. N. Vs Mukura V.S,

– Rwamagana cyangwa Unr Vs As Kigali.

Biteganyijwe ko iyi mikino izatangira tariki ya 18 Werurwe 2014, ikazabera mu duce dutandukanye tw’u Rwanda

NKOTANYI Damas 

ububiko.umusekehost.com