Menya indwara ya Gapfura

Gapfura ni indwara ikunze  gufata mu mwanya y’ubuhumekero cyane cyane mu muhogo ibi bituma iyo umuntu agize icyo amize cyangwa  anyoye ababara mu  muhogo. 

Gapfura cyangwa Pharyngitis  mu ndimi z’amahanga ifata akanyama kari mu muhogo kitwa Pharynx kakabyimba bigatuma umurwayi ababara mu gihe amize cyangwa anyoye ikintu.

Iyi ndwara iterwa n’agakoko ka Virus gaturuka mu byuka bihumanya ikirere cyangwa mu biribwa  umuntu abayafunguye bidafite isuku.

Aka gakoko gafata mu muhogo, umuntu agatangira gukorora, kuribwa ndetse no kubyimba mu mihogo ku buryo bifunga inzira z’ubuhumekero akaba yahasiga ubuzima  mu gihe utivuje.

Iyi ndwara ishobora guhererekanwa umuntu ku wundi mu gihe uwamaze kuyandura ahumekeye iruhande rwa mugenzi we kuko utwo dukoko duhita  dukwirakwira mu mwuka.

Iyi ndwara  irangwa n’ibimenyetso bitandukanye birimo kubyimba mu muhogo biherekejwe n’ububabare budashira, kugira ubushyuhe budasanzwe mu kanwa, kurwara ibicurane, kubabara umutwe, gucika intege ndetse no gushyuhirana  umubiri wose.

Inzobere z’umuryango w’Abanyamerika mukuvura indwara zanduzwa (Infectious Disease Society of America) zitangaza ko abaturage bagera kuri miliyoni 30 ku isi yose barwara indwara ya Gapfura buri mwaka.

Abaganga bemeza ko iyi ndwara ivurwa igakira.

Abaganag bavuga ko uburyo bwo kwirinda indwara ya Gapfura ari ukugirira isuku amafunguro, gutura kure y’inganda zisohora ibyotsi ndetse no kwivuza hakiri kare mu gihe ugaragaje ibimenyetso kugira ngo wirinde kuyikwirakwiza mu bandi kandi ukire vuba.

Izo nzobere zirangiza zivuga ko umuntu wafashwe n’indwara ya Gapfura agomba kugana abaganga  bakamuha imiti yica udukoko twitwa virus kandi igatuma umurwayi akira byihuse.

Gapfura ishobora kuba karande ku muntu wese wamaze kuyandura ntayivuze neza ndetse ishobora no kumuhitana.

Source:Healthline.com

Jean Paul TURATSINZE.

ububiko.umusekehost.com