Isoni zaransabitse kugeza n’aho nzigira imbere y’umugore wanjye
Mwaramutse bavandi? Mbandikiye mbagisha inama z’icyo nakora kubera ko mbona ko ikibazo cyanjye kimaze kundemerera. Mu muryango wacu tugira isoni yaba Papa na Mama ni ba bantu mudashobora guhuza amaso iyo muvugana, ni ba bantu no kwirenganura iyo barengana bigora sana.
Barumuna banjye hafi yabose ni uko. Bapfiramo ubundi bakicwa n’umujinya n’agahinda. Nanjye rero n’uko, nabashije kwiga Kaminuza, ariko isoni zaransabitse.
Nshobora kwandika amagambo menshi kandi meza pe, ariko kuba nafata ijambo mu bandi birangora nkumva ntangiye kugira ubwoba buvanze n’umujinya. Ngira n’isoni zo kuba najya muri restorant ngo nake icyokurya.
Iyo mpawe service mbi, mpfiramo. Kugura-‘bargaining’ byo byarananiye. Nsigaye numva n’umugore wanjye mugiriye isoni nkumva tutavugana.
Inama mwangira yose, ndifuza ko mwandangira nk’ikigo abantu bigiramo kuvuga kuko ndabona bizambuza amahirwe menshi mu buzima.
Murakoze.
English
0 Comment
uraho muvandimwe!rero ibyo bintu nibyo bita karande.rero karande ishobora gucika usenze cyane cg se usngewe numuntu IMANA yabihishuriye kuko rimwe na rimwe tuvugako IMANA Ishobora byose nyamara tukayishyiriraho limite kdi nkugiriye inama nkumuntu nagusaba kujya kumu psy arko ejo nejobundi ugasanga ntagihinduka kdi nukuvuga ngo niba ari karande nabana uzabyara bazaza bamze gutyo nkuko iwanyu bameze.nuko rero niba ubishaka nakurangira umu Pasteur witwa Eric Ruhagararabahunga wo muri zion temple bita (kwa Gitwaza)cg se nundi wese wabasha kugusengera.sinon niba utizera imbaraga z’IMANA wajya mubaganga(psy)arko nkibaza nti ese nabo mumuryango wawe bose uzabajyanayo?nabana uzabyara se uzabajyanayo??Think twice kukintu ugomba gukora.IMANA Igufashe muvandimwe.
@ Jay…Umva nkubwire muvandi!!! delivrance itangwa na KRISTO ntago itangwa na Gitwaza,Pasteur cyangwa n’undi wese wagutekaho imitwe ngo aragusengera. Mu Baromani 10:9 haranditswe ngo” Niwatuza akanwa kawe ko YESU ari umwami,ukizera n’umutima wawe ko IMANA yamuzuye mubapfuye, uzakizwa”….KRISTO igihe yapfaga,ntago yagumye mu mva,ahubwo “yarazutse” ni uko muri wewe duhanagurwa ho ibyaha n’imivumo yose….ibyo kugirango ubigereho ugomba “kuvuka ubwa kabiri”.Ntago umuntu avuka ubwa kabiri kuko bamusengeye ,cyangwa butetseho imitwe ,cyangwa ngo arare asenga kugeza isaa munani y’ijoro….oya!!!niwe ahubwo wemera,ntawe ugomba kumushyiraho agahato.Iyo yemeye ahubwo, ahita agira imbuto y’IMANA muri we. Ntihanditswe se ngo “ibya kera biba bitakiriho,ahubwo umuntu aba yahindutse icyaremwe gishya”.urumva rero, uyu muntu atavutse ubwa kabili,ayo masengesho y’abo bapasteurs azapfa ubusa ,bizaba nko kigosorera mu rucaca,iyo mivumo ye ntizigera imuvaho….erega muvandimwe gukizwa ntago ari magie!!!!!kandi icyo IMANA idusaba kiroroshye ,gusa abantu murabikomeza.
ariko ruvugukuri kuki mupinga abakozi b ‘ Imana ? Niba byarakunaniye ntimukabuze abandi gushaka ababasengera mwitonde shaka rata umukozi w ‘Imana azagusengere numuryango wawe kuko wowe wenyine waba wikunze numudamu wawe nabana babasengere iyo karande inzagenda ariko namwe musenga mutigaramiye ngo barabasengera Imana yonyine niyo ibikiza mukwizera kwanyu humura nubikora nkuko Jay yabikubwiye bizashira rwose ntiwibagirwe umugani baca uvuga ngo ntakirutimana abo bapinga abakozi b’ Imana bihorere wowe uzatwihera ubuhamya nibagusengera .
Yes Carine!!!!uramukoze…uzasome mu Ijambo ry’IMANA urebe abo Kristo we ubwe yakijije ,ikibazo yabanzaga kubabaza.Simpakanye ko bashobora kugusengera ….ariko ibyo biba kuwutabyishoboreye. Kandi abavutse ubwa kabiri twese turi abakozi nyabo b’IMANA.
Urakoze kubwigitekerezo cyawe muvandimwe arko nkundira nkusobanuze neza!nonese ninde ujya kwizera atumvise?nonese ninde ukubwiriza mbere yo kwizera!Yezu se abwira intumwa ko zizirukana abadayimoni,zigakora ibitangaza biruta ibyo yakoreye mwisi yaravugishijwe ra?cg nawe wizerako abakozi b’IMANA bashize abubu arabanyamitwe nkuko ubivuga?njye rero namubwiye kuriya kuko nzi neza abantu banjye bahafi basengewe bibakuye inaha iburayi bikabazana muri africa kdi bakahava babohotse kdi ndakwibutsa ko iyo iwanyu hashobora kuba hatari aba psy benshi nkinaha kdi kugiti cyanjye nzi ibyo bashoboye nibyo bashoboye kuburyo namufashije bitewe nuko numva ubintu kdi thank you for your comment
@ Jay… nkunda umuntu nkawe , nibura ushima comment undi yakoze.Inama wagiriye uriya ni nziza rwose ntago nayigaye…gusa guhugurana biba byiza kugirango tutajya twibeshya!!!!ntago Kristo yigeze yibeshya…ubushobozi bw’abakozi b’IMANA ntago mbugaya,gusa ni uko mubiyita abakozi b’IMANA hasigaye harimo abanyabo koko n’abandi benshi babyiyita ariko mu by’ukuri bafite indi mana bakorera…abo nibo nise abateka mutwe.Ikindi ntago nenga ubushobozi bw’abaganga kuko nzi neza ko n’ubushobozi babukomora ku MANA. Ikindi ndamutse nenze abaganga,ubwo nanjye sinaba nemeranya nibyo ndimo gukora aha muri UK nk’umunyeshuri muri PhD.
Mubona amasengesho yanyu mutayavuga naho adakwiye ? Umuntu afite ikibazo psychologique wowe ugahita uzana mo imana.
Inamana nakugira nkuko abandi bayikugiye ni ukujya kuba umupschologue. Niba nta moyen ugira ukemera ukajya mubikorwa bihurira mo abantu benshe . Urugero niba ukiri muto ninkigisirikare cg igiscout kuko nabyo byigisha gutinyuka. Bàt
Nta nahamwe amasengesho adakwiye,keretse niba utemera ko ibintu byose byaremwe n’IMANA,uramutse ubashije kuyigezaho ikibazo cyawe yagikemura(Je dis bien uramumutse ubashije kukiyibwira,kuko hariho bamwe bibeshya ko basenga kandi bata umwanya).Otherwise,the Everlasting God is capable of everything up to the impossible.Wibuke ko n’abaganga,even your psychologues(Psychologists)…n’abandi n’abandi niyo ibaha ubushobozi,baramutse bihaye kuyipinga ntacyo bageraho.
Mbwira icyo wayisabye ikagigukorera ntamuntu ubigize mo uruhare.
Alors ko wumvako wemera ko ibikora ibnyujije mubantu ni iki kitumvikana ko washaka umuntu ibinyuzamo?
niba ishobora byose se kuki igomba kubinyuza mubantu ?
Gusenga nakwisengera, ahubwo ndangira umu Psychologue w’inzobere muri ibyo bibazo. Ntuye i Kigali. Urakoze
Disi!!! ntago ndi i Kigali….ndi muri UK ku ishuri….cyokora nzi neza ko Umu psychologue w’umuhanga uzamubona….erega nta n’ubwo icyo kibazo gikomeye!!! ni ka tact gato gusa ,ubu isoni zikarangira,ukamera nk’abandi.N’ushaka uzatangire ugisha umugore wawe Inama azagufasha,keretse nawe niba agira isoni.ibyo bororoshye bizashira,kuko iyo watinyutse kuvuga ko ufite ikibazo ,burya ni 60% ku ijana yo kubona umuti…..cyokora nkwijeje ko ngiye guhamagara incuti zanjye z’abaganga aho i Kigali bakandingira umu psychologue ushoboye akagufasha.Burya ntawe utaka atababaye.
Mr shy
ibyo biravurwa,njye nibyo nkoramwo kandi igihe kinini,kandi ndemranya nabambanjirije ku nama bakugiriye ivuga ko wabanza kwiyakira,kwiyizera,kandi cyane no gusenga ,nibyiza cyane
ngarutse kukibazo cyawe nyirizina ,nakubwira ko ni indwara ishobora kuba hereditaire mu muryango,cyangwa indwara ishobora guterwa na jeunesse yawe,et mm your society ubamwo wakuriyemwo,abandi bo barabegeya cyane,aribyo twitwa kudidimanga
rero nagufasha kubera ni technique psycho clinical
uzahamagare kuri 0722507924,
niwumva ntitabye uwo mwanya uzanyandikire sms nzaguhamagara
Ntabwo natangira mvuga ngo ihangane kuko iyo Atari situation yo kwihanganirwa ahubwo ari iyo kurwanya ikavaho.
Inama nakugira ni uko wareba courses zijyane na ‘assertiveness’. Reba nko kuri izi links: http://www.cci.health.wa.gov.au/resources/infopax.cfm?Info_ID=51
http://www.abct.org/docs/Members/FactSheets/ASSERTIVENESS%200707.pdf
Niba uri mu Rda ntibizakorohera kubona umu psychologist wagufasha muri iyi ntambwe to become assertive. Reba umuntu wizeye, ese fata Madame wawe umubwire ikibazo cyawe niba yemeye kugufasha akubere ‘coach’. Mwicare urebe aho ushaka kugera, actions you need to take, constraints ndetse n’ibigufasha. hanyuma mufate igihe niba ari buri cyumweru mukajya mwicarana mugakora assessment mukareba achieved level ndetse abe rigourous kuri wowe. Urugero ni nko gutinyuka kuvuga mu nama, kuba se wageze muri restaurant ukabasha gukora commande, kuba wabashije kumubwira icyo utemeranywa ho na we, etc….
Nongeye ku byo Jay yavuze, ndemeranywa na we ko hashobora kubaho a generational transfer nayo ni intambara y’amasengesho. Go to http://www.elishagoodman.org/,he is a prayer coach, ibintu biba byarananiranye byarahereye mu ba sekuruza bose birasengerwa bigakira/bikavaho, ni wowe wisengera ni amasengesho agoye (midnight prayers + fasting), but arakora byo ndabiguhamirije. Komera.
@ Reka….ariko ubwo ayo masengesho y’iyo saha!!! kwiyiriza!!! iyo mana uba usenga iba yarapfuye amatwi??? woshye ba batambyi ba bayari!!!!nibo ngo birije umunsi bikebagura,biciraguraho,n’ibindi n’ibindi ariko igisubizo reka da!!!reka!!have!!! uko gusenga ntago ari ko. Nta masengesho agoye abaho.Mwazanyeretse mu byanditswe byera aho bavuga amasengesho agoye(chapter and verse).
Ibitabo bya self help narabisomye ariko ntabwo bimfasha.
hahahahahahahahahah uri gutera brague wowe kbs
Si Blague ni ikibazo kimpangayikishije.
muvandimwe rwose urahangayitse uzasange aba psychologue
ni bo bagufasha,ariko se kuvuga ko ari ugutaruka, byarakoroheye gutereta?iriya mari se yo ko akenshi iba kure kuyigeraho nta soni bigutera?wenda umwijima ubigufashamo , yewe yewe ibyago bigwira abagabo pe!!
Nta soni ugira! Ntuba watinyutse kwandika ibi ngo ubihe isi yose kandi ugira isoni no ku mugore wawe!
Ntibisanzwe, kandi birumvikana ko bikuvuna mu mutima. Gusa ntiwatubwiye imyaka ufite ariko niba ukiri muto udashaje humura bizahinduka. Intambwe ya mbere ni uko ushaka ko bihinduka wayiteye, iya kabiri ntuzatinye gushaka uwagufasha gutinyuka wizeye ukumva kandi ubishoboye. Ujye ukora imyitozo yo gutanga ibitekerezo mu bandi bizagenda biza.
Murakoze cyane abangiriye inama mwese. Gusa nagerageje kujya nsoma ibitabo bya self-help cg self managementa riko ubwoba bukanga bukangumamo. Njya ngira ishyari nkiyo mbonye umuntu utandusha ibitekerezo yigisha abandi cg atanga ibitekerezo bye nubwo byaba bidafite ireme nk’ibyanjye. Mwaba muzi nk’ikigo cg club ihuriramo abantu bakora debates? Scoutisme cg igisirikare sinakigerageza bitewe na social status yanjye. Ubu mfite 34 ans kandi akazi nkora rwose ntikatuma njye muba scout cg Army.
Sinzi aho uba. Niga murda imyaka 11 irashize nigaga Normal primaire nibuka ko natangiye kuyiga meze nkuko nawe umeze njye icyabinkijijye nukwigisha abana. Igihe nageraga imbere yabantu bakuru cyangwa abo tungana nahitaga nibuka ko ntaho bataniye nabana niriwe nigisha. Ibi mbikubwiye kugira ngo nkugire inama yo kugerageza ukajya ugana aho abantu bari numara gutinyuka kubajya mo bizagufasha no kubavugisha.
Pole sana Ibyo bibaho cyane. Kea nanjye nagiraga isoni cyane hamwe umushyitsi yazaga iwacu nkihisha mpaka atashye nyuma ngiye muri secondaire simbe nabaza ibyo ntumva cyangwa se ibimbangamiye ngo mbivuge ahubwo nkumva najya aho batambona, maze kubona ko ari ikibazo nafashe umwanzuro njya mu bascout ndetse no muri groupe de priere ibyo bintu bibiri byaramfashije cyane nawe uzabigerageze, ubu ntiwamenya ko icyo kibazo nigeze nkigira.
Inama umugiriye niyo nagana ahantu hari abantu burungano rwe bizashira.
Ikindi namugira mo inama ni uko yakwirinda inzoga. Mpereye kubuhamya bwanjye kera nanjye nari timide ariko nanywa akayoga bikagenda ugasanga ndimo abantu babiri. icyabinkijije ni ukujya aho abantu bari aho kwigunga. Niba aba ahantu hari théâtre yagerageza akajya ayikina nabyo birakiza cyane. La timidité iraryana cyane kuburyo njye mwumva cyane. Naho abamugira inama yo gusenga ahubwo wasanga ayo masengesho ya mwihereranya agatuma yigunga kurusha ho. Merci
Ni ukubanza kumenya ikibazo cyawe uko giteye naho gituruka. Niba nko m’ubwana bwawe hari uwahoraga asebya icyo uvuze cyose, cyangwa uri introvert (umuntu kamereye udakunda kuba mu bantu ahubwo akunda umwanya we wenyine). Ese unywa inzoga? iyo wazinyoye se amasoni arakomeza? Ese isoni ni ugutinya guseba? ubwo numara kumenya ikibazo hari ingamba wafata zagufasha. nko kwiyandikisha muri sport rusange, kujya mu group asenga bigusaba kuvuga, kuba mwarimu niyo wakwigisha abana nkubukorera bushake muri weekend, …. Erega uwa madame niwe ugomba nokugufasha, uza printing iki kibazo washyize hano ugitereke kumeza abisome.
kandi isoni nkeya ni kamere twese turazigira, naho wasanga tunnya kumuhanda
Totalement d’accord avec patrick. ariko kumasengesha moins
Nakugira imama yogukizwa ubwobigaragara ko ari karande yomumuryango ukabisengera kugirango bitazakurikirana nabana uzabyara ukagana amagroupe murusengero nkama choir uzashira ubwobwoba
muvandimwe nange inama nzi yanshyijije nukujya aho abantu bakora za debat cg se mu ma groupe binashoboka ukaba wareba bamwe muri bo ukababwira ko wifuza ko wamenyera kuzajya uvuga ijambo bakaguha akanya nkange nabimenyeye mu magroupe abwirizabutumwa ariko urumva amadini aratandukanye kuba rero twaba tudahuje idini byaba inzitizi zo kuba nagufasha ariko duhuje idini rwose nazakuzana muri groupe y’urubyiruko rwacu ukahigira kuvuga kandi wabimenya . gusa ubwo urebe ku nama zose wenda hari iyo wabona igufasha .
Kera nasengeraga muri ya madini yigisha morality ya hatari kuburyo isoni ziyongeraga cyane. Na nyuma naje kujya murindi dini naryo ryigisha kuba Humble/Modeste cyane. Nabwo timidite iriyongera. hagati aho nkibyiruka nageragezaga kubyikuramo ariko ugasanga ndakora ibintu bya derangement bimeze nko guhunga cg insecurity. Ibyo byose bituma ikibazo kirushaho kuba kibi. Mbese navuga ko nagiraga double personalite.
Abangiriye inama yo kujya muba Scout cg army nababwiye ko ntabishobora kubera Social status yanjye. Wenda Club cg umu Psychologue niho numva bamfasha, Amasengesho yo atuma nigunga kurenza. Murakoze mwese.
Njye ndarangisha Martin.
Uwagira icyo yifuza kungezaho nka Club cg contact z’umu Psychologue yanyandikira kuri [email protected]
Murakoze.
gerageza ujye kuri iyi site yagufasha
http://www.stop-timidite.fr/
Uzampamagare kuri 0722507924
ndi psycho clinical
Nshuti,izo soni ntabwo ari ibisanzwe,iyo nikarande mumuryango iwanyu mufite,intego yayo nukugirango ntihazagire utera imbere,isoni,ubwoba,kwitinya,kwisuzugura,kwiheba,kugira ifunnwe byose biterwa nabadaimon,nama nakugira nu kwakira agakiza,ukakira yesu nkumukiza wawe,noneho ukegera abakozi b’Imana bakagusengera ukabohoka,ukeneye deliverance ikomeye cyane, wamara kubohoka,wzabohora nabi iwanyu bose.nuba ubyemera kandi ibyizera umbwire nagufasha kukubonera abakozi b’Imana bafite ayo mavuta yokubohora,kuko ubwawe gusenga kwawe ntiwabyishoboza,jye ndumuhamya wo kubihamya ko Imana ibohora nanjye haribyo yambohoye bitari byoroshye. murakoze
Sha isoni nizabose nange ndazigira cyane iyo mvuga sinshobora guhuza numuntu amaso maze njye iyo ndimo kuvuga mu bantu benshi mbira n’ibyuya amagambo nkayabura kandi kuyategura no gukora za speeches ndabishoboye cyane abantu bajya banyiyambaza mu ndimo zose. Ikibazo cyarankomeranye maze nanirwa kudefanda igitabo cyange bampa amanota ntagombaga kubona. nange nkeneye umuntu wangira inama. Murakoze.
Umva ncuti yanjye ubwo wabashije kumenya icyateye kumera utyo n’umuti wabonetse. Icyangombwa ni ugushaka uwagize icyo kibazo (Urugero naguha nijnye) hanyuma mukaganira tugasheyaringa experience… Umuntu arabimenya agaseka bigashira hanyuma agafata ingamba ariko yiyoroheje. Sinzi uko twavugana ahari ushyireho number yawe (Watsapp) cyangwa facebook umuntu akubwire inama za kigabo… Njyewe sinakubwira amakosa nokze kubera icyo kibazo cya background
Jye nkwibarize? ubwo se ko uvuga ko ugira isoni washoboye ute gutereta( kurambagiza) ko nabonye aribyo bintu bisaba amagambo meza kandi ashishoje?
Niba ntakibazo wabigizemo, nibindi birashoboka. icyo wakora nugushaka groupes ubarizwamo z’abantu basobanutse wiyumvamo, buke buke bikazagenda bishira.
thank you
umva shuti yanjye? washatse ABAHAMYA BA YEHOVA bakagufasha ko nanjye bamfashije kigakemuka neza neza kandi kubuntu ntanifaranga narimwe ntanze? urakoze
Bamfasha gute kandi ntari umuyehova? Ndangira neza uwo naganaho kuko nabyo nigeze kubitekerezaho mbonye ukuntu bakora predication/preaching. Gusa ntabwo nemera Doctrines zabo.
Kugira responsabilite nabyo biragufasha nanjye niko nari meze,muri njye numvaga ntacyo navuga imbere y’abantu ariko nkaba umuhanga mu ishuli’ngira ibyago ntorerwa kuyobora abanyeshuli(doyenne)namaze nk’ibyumweru 2 ndara ntasinziriye ntekereza cyane cyane ku munsi mukuru w’ikigo abarimu,abashyitsi n’abanyeshuli bateranye arinjye ugomba kuyobora gahunda bikandenga,ariko narasenze cyane nsaba Imana ngo indinde guseba ubushobozi abandi bambonamo simbupfushe ubusa,byarakunze ndayobora kandi neza,mu kazi bampa kuyobora kimwe mu bigo dushinzwe,binsaba gukoresha inama n’abakozi nkibaza uko nzayiyobora nicyo nzavuga bikanyobera ariko wikuramo ubwoba aho guseba uri umuyobozi ububonye utaburuhiye mu gihe abandi birirwa babusaba barabubuze iryo shyaka rituma wikuramo ubwoba n’isoni,natekerezaga ukuntu nzakira abashyitsi basuye ikigo barimo n’abayobozi bakuru bikandenga ariko ubu nta cyoroshye nkabyo,menya ko nababikora ntacyo bakurusha wihe akanyabugabo wikuremo guseba imbere y’umugore dore ko akwegereye cyane yanabigufashamo,faiblesse ufite ntutume iba impamvu yo kukurungurka ahubwo uyuririreho urwane intambara utabaze iyera yo mu ijuru ndaguhamiriza ko isoni zizashira kuko njye nabonye yari umudayimoni uba adashaka ko ugaragara ngo unatere imbere.kora imyitozo n’ibintu byoroshye,ahari ibirori ,inama n’izindi gahunda ufatemo akazi gatuma uvuga imbere y’abantu.courage!!!!!!!
Urakoze cyane.
ysl bags gold
Cite / link
Comments are closed.