“HipHop nta mwami ifite twese turashoboye”- Edsha

Ishimwe Edsha umuhanzi w’Umunyarwanda ukora injyana ya HipHop unazwi cyane ku kuririmba yungikanya amagambo bamwe bamugereranya nk’umuhanzi w’Uumunyamerika witwa ‘Busta Rhymes’, aratangaza ko injyana ya HipHop nta muntu ifite urenze kurusha abandi kuko bose bashoboye.

Ibi abitangaje nyuma y’uko mu minsi ishize yakoze indirimbo yise ‘Impindura mirapire’ yaje kuvugwaho n’abantu benshi ko haba hari abahanzi yarushije kuririmba imwe mu ndirimbo ‘Revolution’ yaririmbwemo n’abahanzi bose bakora HipHop dore ko zifite ingoma ‘Beat’ imwe.

Ubusanzwe azwi mu ndirimbo nka, Rubanga, Munyangire, mu mashuri, Bahakanire, ndetse n’izindi yagiye akorana n’abandi bahanzi batandukanye.

Mu kiganiro na UM– USEKE, Edsha Ishimwe yagize ati “Ubundi abahanzi twese twakabaye turirimba indirimbo zifite icyo zihindura ku muryango Nyarwanda aho kuririmba ushaka guhangana cyangwa se ushaka kwerekana ko ushoboye kurusha abandi.

N’aho rero umuhanzi waba avuga ko ari we mwami wa HipHop mu Rwanda ndumva yaba yibeshye cyane kuko wenda impamvu yabyiyita ari uko akinwa cyane ku maradiyo kurusha abandi, ariko hagize nk’irushanwa ritegurwa rihuza abaraperi hari benshi baseba”.

Edsha yakomeje atangaza ko gahunda afite muri muzika ari ukugerageza akagira icyo afasha Abanyarwanda mu kubakundisha muzika Nyarwanda.

Umva indirimbo ‘Impindura mirapire’ ya Edsha

https://www.youtube.com/watch?v=HzV4OjB3tXQ

Joel Rutaganda

ububiko.umusekehost.com