Christopher agiye gushyira hanze Album ya mbere ‘Habona’

Muneza Christopher umwe mu bahanzi bazamukanye imbaraga zidasanzwe muri muzika aho mu mwaka umwe gusa yari amaze kugira izina rikomeye mu mitwe y’abantu, ahanini kubera indirimbo ze zakunzwe n’abantu benshi, agiye gushyira hanze umuzingo we wa mbere (album) yise ‘Habona’.

Iyi album ya Muneza yayitiriye imwe mu ndirimbo ze zakunzwe cyane yitwa ‘Habona’.

Igitaramo cyo kumurika iyi album cyari giteganyijwe kuba tariki ya 14 Gashyamtare, 2014 ku munsi benshi bakunze kwita umunsi w’abakundana ‘Saint Valentin’, gusa byaje kuba ngombwa ko akimurira tariki ya 15 Gashyantare 2014.

Kuri gahunda ye, igitaramo kizabera muri Serena Hotel, kwinjira bizaba ari amafaranga ibihumbi bitanu (Frw 5000) na Frw 10 000 mu myanya y’icyubahiro.

Abahanzi bakomeye mu Rwanda bazaza gufasha Christopher kumurika album ye barimo, Butera Knowless, Dream Boys, Tom Close na Dinah.

Mu ndirimbo zakunzwe cyane za Christopher azaririmba kuri uwo munsi harimo, Habona, Ndabyemeye, Babyumva ndetse n’izindi ndirimbo ze nyinshi. Imwe mu mpamvu aba bahanzi aribo bazaza gufasha Christopher ni uko bahuriye muri Label imwe ya Kina Music iyobowe na Ishimwe Clement.

Reba amashusho y’indirimbo yitiriwe album ya mbere ya Christopher yise ‘Habona’:

Joel Rutaganda
ububiko.umusekehost.com