Benzema na Ribery mu mazi abira kubera ubushurashuzi
Abakinnyi babiri b’Abafaransa Karim Benzema na Frank Ribery ubu bari mu mazi abira nyuma yo gushinjwa ko basambanyije umwana w’umukobwa muto aha hari mu mwaka wa 2010, ariko urubanza rwari rwarasubitswe ubu rukaba rwasubukuwe aho aba basore bagomba kwitaba urukiko.
Frank Ribery na Benzema bashinjwa kuba baragiranye imibonano mpuzabitsina n’umukobwa muto Zahia utagejeje ku myaka y’ubukure (Mineure), mu mwaka wa 2009 i Munich mu Budage ndetse na 2008 i Paris mu Bufaransa.
Ubwo bakoraga iperereza Ribery yatangaje ko atigeze akeka ko Zahia yaba adafite imyaka 18 mu gihe ku ruhande rwa rutahizamu wa Real Madrid Karim Benzema we yahakanye ko atigeze aryamana na Zahia.
Ribery ahakana ko Zahia atari indaya kandi atigeze amwishyura amafaranga angana n’ama Euro 700.
Zahia Dehar yaryamanye na Benzema afite imyaka 16 mu gihe aryamana na Ribery yari afite imyaka 17 gusa aba Bafaransa bombi batangaza ko batari baziko imyaka afite itabimwemerera, uyu mukobwa kandi yatangaje ko bamuhaye amafaranga n’ubwo babihakana.
Carlo Alberto Brussa ukurikirana urubanza rwa Frank Ribery atangaza ko bafite icyizere ko uru rubanza ruzavanwaho kuko kuri we abona nta bimenyetso bihari, aba basore bagomba kwitaba urukiko kuri uyu wa mbere.
Ubusanzwe mu gihugu cy’Ubufaransa umukobwa yemerewe gukora imibonano mpuzabitsina afite imyaka 15, ariko gusambanya ugaha amafaranga umukobwa uri hasi y’imyaka 18 ni icyaha gihaninwa n’amategeko.
Source:7sur7
JD Nsengiyumva Inzaghi
ububiko.umusekehost.com
English
0 Comment
Jyewe Numva Ntakosa Bariya Bakinnyi Bafite,kko Uriya Mukobwa Niba Baramwishyuye Bivuze Ko Asanzwe Abikora Ariko Kazi Ke.Nareke Itiku Rero Kereka Niba Baramujyendanye Batamwishyuye.
ikosa ryo nta kibazo kabsa gusa ahantu hateye ikibazo nuko frank ribery ari musulman kdi afite umugore ikindi umukobwa yavuze ko bamusambanyije babanje kumwishyura aha avuga ribery wamuhaye 700 euro kdi mu bufaransa ntibyemewe kwigurisha ufite hasi ya 18 ni icyaha gihanirwa namategeko cyane kuwaguze apana uwagurishije reason why bariya bagabo bitaba urukiko ariko bafite akantu ntanaho bazajya
Ni gitangaza ariko se mu Rwanda ho umuntu yemerewe gusamana afite imyaka ingahe? ubundi imibiri si imwe abafaransa se si nk’abanyarwanda.
uyu mukobwa afite abantu bamurinyuma kugirango bariya batipe babafunge batazakina umukino wigikombe cy isi.oke niba batarishyuye aba yarabareze kera, wowe urabona uriya mukobwa uhiye kuriya sha ntacyo mvuze, kuba umusiramu bemerewe barindwi
Ndabaza Nsengiyumva niba yashakaga kwandika ibi:”Ribery kandi we ahakana ko n’ubwo bavuga ko Zahia ari indaya, atigeze amuha amafranga angana n’amayero 700″
Comments are closed.