Kiyovu na Rayon Sports bikomeje kwitwara neza muri Shampiyona

Ku munsi wa 14 wa shampiyona amakipe  ya Kiyovu Sports na Rayon Sports byitwaye neza mu mikino yabaye mu mpera z’icyi cyumweru aho Kiyovu yatsinze Musanze FC ibitego bitandatu ku busa naho Rayon Sports igatsinda Gicumbi FC  ibitego bibiri ku busa.

Mu mukino wayihuje na Musanze FC ukabera kuri Stade ya Mumena, Kiyovu yatangiranye ishyaka bituma ibona intsinzi  y’ ibitego bitandatu ku busa ibi bitari byitezwe n’abafana ku mpande zombi.

Igice cya mbere cyarangiye ikipe ya Kiyovu  yamaze gutsinda  ibitego  bine .

Ku rundi ruhande, i Gicumbi ikipe ya Rayon Sports yitwaye neza cyane imbere y’ikipe ya Gicumbi  FC itozwa na Kayiranga Baptiste iyitsinda ibitego bibiri ku busa.

Rutahizamu Kagere Meddie ubu uhagaze neza na Ndayisenga Fouad nibo bahesheje Rayon Sports  amanota atatu.

Muri uyu mukino  ikipe ya Rayon Sports yakinnye idafite abakinnyi b’imena bayo nka myugariro Abouba Sibomana, Nizigiyimana Karim McKenzie ndetse n’umuzamu Ndayishimiye Jean Luc Bakame.

Gusa nubwo Kiyovu na Rayon byatsinze ntibibuza ikipe ya APR FC kuyobora urutonde rwa Shampiyona kuko nayo kuwa gatandatu yihereranye Marine kuri Stade Umuganda ikayitsinda ibitego bitatu ku busa.

Uko andi makipe yatsindanywe.

• Marines 0-3 APR FC
• Esperance 1-2 Police FC
• Espoir 1-0 Etincelles
• Amagaju 0-1 AS Kigali
• Mukura VS 3-0 AS Muhanga
• Gicumbi 1-2 Rayon Sports
• Kiyovu Sports 6-0 Musanze

JD Nsengiyumva Inzaghi
ububiko.umusekehost.com