Social Mula yanejejwe no kuza mu bahanzi bakoze cyane mu mwaka wa 2013

Social Mula umuhanzi ukora injyana ya R&B mu Rwanda umwe no mu bahanzi bakunzwe muri kino gihe kubera indirimbo arimo kugenda akora, aratangaza ko kuba yaraje ku rutonde rw’abahanzi bakoze cyane mu mwaka wa 2013 ari ibyishimo kuri we.

Zimwe mu ndirimbo uyu muhanzi zatumye akundwa cyane harimo, Abanyakigali, Muvara n’indi ndirimbo yakoranye na Farious ukomoka i Burundi bise ‘Hansange’. Kugeza ubu Social ari kumwe n’abahanzi bagera kuri 4 bahatanira uzatwara umwanya w’umuhanzi wahize abandi muri R&B/Pop mu Rwanda.

Mu kiganiro na UM– USEKE, Social yagize ati “Byaranshimishije cyane kwibona k’urutonde rw’abahanzi bahatanira Salax Award, biri mu bintu numvaga nk’inzozi cyane peee.

Gusa byanyeretse ko ibikorwa nakoze byageze ku bantu benshi kandi binanyongerera imbaraga zo gukora ibintu byiza kurusha ku byo nakoze mbere bityo bizamfashe kuba hari n’andi marushanwa nakwitabira”.

Social Mula yavutse ku itariki ya 8 Ugushyingo 1993 atuye mu Mujyi wa Kigali i Nyamirambo ni umunyeshuri mu mwaka wa mbere muri Kaminuza y’i Mudende.

Urutonde rw’abahanzi bari mu kiciro kimwe na Social Mula mu bahanzi bakoze cyane mu njyana ya R&B ndetse n’izindi bazamutse mu mwaka wa 2013.

1. Active
2. Kid Gaju
3. Social
4. Teta Diane
5. Two 4 Real

Reba imwe mu ndirimbo ‘Abanyakigali’ yamenyekanishije Social Mula

http://www.youtube.com/watch?v=yPxtA72Gn8k

Joel Rutaganda

ububiko.umusekehost.com