Papa yasabye amahanga guhagurukira ibibazo bya Centreafrique

Papa Francis  kuri uyu wa mbere tariki 13 Mutarama  yahamagariye umuryango mpuzamahanga kugira ikintu  kigaragara ukora mu gusubiza ibintu mu buryo mu gihugu cya Repuburika ya Centreafrique.

Papa yasabye amahanga kwinjira mu bibazo biri muri iki gihugu maze amahoro n’uburenganzira bw’ikiremwamuntu bikogera bikagaruka.

Yagize ati:”Ndifuza ko umuryango mpuzamahanaga uha agaciro ibiri kubera muri kiriya  gihugu maze ukagira icyo ukora mu guhagarika imviruru, abaturage bakabona ubufasha ndetse n’abari mu duce twa kure”.

Igihugu cy’Ubufaransa cyafashe iya mbere mu kohereza abasirikare muri iki gihugu ngo bajye kubungabunga amahoro  ariko na n’ubu nta kintu kigaragara barakora.

Pape arasaba uyu muryango kurushaho gushishikazwa n’iki gihugu no gushaka uburyo bwo kukigaruramo amahoro.

Mu ijambo rye kandi Papa yagarutse no ku gihugu cya  Sudani y’Epfo gikomeje gukaragaramo imirwano  ikomeje guhitana  abantu benshi, avuga ko abagituye bakeneye ubufasha bwihuse.

Yanagarutse ku ngihugu cya Nigeria avuga ko kimaze iminsi kibasirwa n’inyeshyamba za  Boko Haram zikomeje kumena amaraso y’inzirakarengane.

Jeuneafrique
ububiko.umusekehost.com